Nikonghong

Home » Politic » Republican te na Reagan le Lincoln maimawl sak

Republican te na Reagan le Lincoln maimawl sak

1990 kum kiim khawng lai movie khat ii min zak sak pak in sonte tu hi leang, tu ni GOP (Republican) party te na party sung mihing pha pawl khat ki samh mama hi (A Few Good Man) ka ci nuam hi. Tu ni GOP party te in meetangh toai taang mipi taw ki uitui vet nawn ngawl hi. Ciang, politic kam taw ci leang ziat sang nasia pial lei zo ahikom, khatvei hun lai president ngei ahi Lincoln, Eisenhower, Nixon, Reagan, le first George Bush te ii Republican party siama hi takpi laina ziam ci nop huai liang hi. Taangthu sung ah party thupi mama khat in ana din ngeina thu te, tu ni bo sua zo ci nop huai hi.

Tunung November tha kitealna en kik leang, GOP te na numei te tung taang point 11 taw lel aa, kum 18 pan 29 kilaklaw mee pia te tung pan point 23 taw lel hi. Kum 30 le kum 44 kilaklaw pha, mee pia te tung pan point 7 taw lel hi. GOP te na kuateng tung pan zo ziam? Khanghaam te tung pan bekma zo hi. Kum 45 pan 64 kilaklaw te tung pan point 4 taw zo aa, kum 65 sang ahaam zaw teng tung pan point 12 taw zo hi.

GOP te ii zo mamana mun dang khat sia, pilna nei ngawl te tung pan ahi si hi. GOP te na pilna laitan niam bel teng tung pan le, a zawng bel teng tung pan mee nga bel tawntung hi. Conservative ci aa, ngeinalui apom ngaisutna nei te na GOP te mee pia aa, dinpui pan pui hi. Ahihang electoral board sung ah conservative sia se 3 sua se 1 bang om bek hi. Se 3 sua se 2 bang sia Liberal le Moderate pai zia pom ahikom, Democrat sang din pui hi. GOP te ii zawna mun dang khat sia Nipi ni sim biakinn apai te tungpan ahi hi. Ahihang Nipi sim biakinn pai sia Electoral board ii khen 5 sua khen 2 pha bek hi. GOP te ii lelna mun dang teng sia khangno sung, Latino sung hi lai hi. Ei Sahlone te ii nak, Latino sung ah point 44 bang taw GOP te na lel hi. 2008 kiteal lai point 36 taw lel aa, 2012 ciang lel sasiam hi.

Demographics ci aa, minam tatuam te ii om dan, ki lai dante en leang GOP te akal suan zia a lai bua uh le haksa vaial tu ci thu ki mu thei vaial hi. Tu ni Republican te na taangthu en ki ii hi le, GOP president thupi mama pawl khat ii nasepna ngaisutna te a phaw kik tu hun mama zo hi. Tu ni GOP te ii ngaisutna le nidang hun GOP te ii ngaisunt dang tam mama kibang nawn ngawl hi.

  1. Ronald Reagan na assault weapon ci aa, ngaal kisimna tu aki vawt thau theampo control tu khaam tu support hi. Background checks vawt tu Brady Bill ci aa, upadi khat vawt aa, Reagan hun lai Firearm Owners Protection Act vawt si hi. Tua FOP Act akipat ni pan kipan, assault weapon nei te na, tua ni ma register a vawt bua lai le, a thau uh register vawt khuan nga nawn ngawl hi. Illegal suak hi.
  2. Tu ni GOP te na datsi zak tu bebek thupi sa aa, green energy ci in solar, wind, bio gas…etc khawng te langpan vilvel hi. Obama administration ii hybrid motor zak tu a tha piak bang selno in nui san zazan hi. Datsi sia hui zong niin sak mama hi. President Reagan sia gasoline tam ih zang lei le, hui niin sak hi, ci in datsi zakna ii phat ngawlna a son masa phit bel president hi.
  3. Reagan hun 1986: Tax reform Act ki vawt hi. Tua Act bang ahi le, mihing hau te in tax atam zaw pia sak hi. Datsi manh tung ah tax khan si aa, investment pan sum meet vawtna pan tax khan si hi. Tu hunte son bang hi le, Reagan sia socialist nasia mama khat hi thong ngawl ziam?
  4. Richard Nixon sia Ronald Reagan ii a zaataak mama khat a syapa ki ci thei hi. Ama president sep hun, 1969 kum lai Tax Reform Act vawt hi. Tua Tax Reform Act bang ahi le, atam zaw ahi, mi nautaang te tung pan tax khiam aa, Obama ii uk bangma mihau te tung pan tax khan hi.
  5. Tu ni GOP te na kiim le paam niin tu khawng thupi ngaisut ngawl hi. Global warming ci khawng ciamui in nei san zazan hi. Nixon hun lai Environmental Protection Agency ci in na form up ngei aa, tu hun GOP te taw kibang ngawl in kiim le paam thianthona thupi na sa mama hi.
  6. Tu ni GOP le Tea party te na Obama ii infrastructure (lampi, meileang, tui, green energy, electric….etc) tung taang a sum zak kawk vilvel hi. Sum zakna nasia sa lei ahihang, ngaal vanh le ngaal sim tu ahina le, zakna khan tu bebek son hi. George Bush na Iraq a sim lai ni khat (one day) US $ billion 9 bang zangh hi. A tam zaw sia a Vice president Dick Cheney ii private company sung tum hi. GOP president lui aki zakta mama khat ahi Dwight Eisenhower hun sung infrastructure lam sang nasia mama in sum na zangh hi, ci in taangthu en kik leang ki mu thei hi.
  7. Four Star general khat hi aa, second world war lai D-Day ni ah Germany te sim in Europe a la kik pa, president Dwight Eisenhower na 1961 kum, ngam mi te tung akhaak bel a piak speech sung ah, USA ii ngaal lamsang sum zakna (military spending) sia nasia lei, tam lei tana ngam ii siipuazii ih kiam lawk tu lau huai mama hi, ci in son hi. (military spending was too big and threatened the health of the U.S. economy)
  8. 1861 kum lai Abraham Lincoln na Congress tung ah tax taw kisai thu khat sung hi. American tual ngaal (civil war) ah zak tu ngam mi theampo tung pan income tax zakhen 3% tek khon leang, ci thu ahi hi. Tual ngaal sia American ngam mi theampo taw kisai ngaal hi aa, ngammi theampo in ngaal taw kisai bona, zakna theampo ih sik tek vadiam tu kisam hi ci in, Abraham Lincoln ii ngaisutna ah om hi. Income tax akipatna ahi hi.
  9. Abraham Lincoln sia mivom, mikaang vekpi kibang, sal om tuan ngawl, kikim siat ci ngaisutna apiang sak masa phit president hi. Tu ni GOP sung en leang mikang teng bekma thupi sak aa, numei ngangawn tawm vaial hi. GOP control House of Representative sung en leang, committee leader theampo mikang (white) hi siat aa, Asian, mivom, Latino khat zong om ngawl bek dom ngawl, numei khat zong om ngawl hi.

GOP sung president thupi mama hiza bang na om ngei zo aa, a nasepna, a kal suanna te thupi mama zaatak huai mama hi kasap, tu ni GOP te na tua president thupi mama te ii, ngaisutna, khua muna, ngam mi te atu adei sakna te puavawk siat zo hi. Tu hun GOP te ii ngaisutna sung ah ngam mi te atu koibang seam tu, ngam koibang khang sak tu ci sia athupi bel in koi nawn ngawl aa, Democrat te nasepna koibang langpan vilvel tu susia tu ci sia le, a suk bel sia Obama mama koibang fight tu ci thu hi thong hi. Ngam khanto tu saang Obama sim tu thupi sa zaw hi.

Tu ni GOP te ii kal suan zia taw sia koi mama ngual suak zo nawn ngawl tu hi. Tu ni Republican party te sia a PU te hun lai Republican party ci thadaa, a PA te hun lai Republican party zong taw kibang nawn ngawl aa, party min zong athak vaw kik kul tu din mun ah om hi. 1850 kum lai a piang ngei “Know-Nothing Party” ci in min vaw leang ki si bel tu ka um hi. 1850 kum lai, Protestant mikang (white) niinteak bulomtang pawl khat te ii pat, kumpi ii immigration law theampo a langpan, group no khat hi. Tu hun GOP te sia tu sia level a theng hi.

GOP sung pan Oxford saang tuak ahi, Louisiana governor Bobby Jindal bang khua a mu khakhat om saam hi. Ama na GOP nung nipi sung athu sonna khat ah, ih mawmawtna theampo ih tawlngah hun mama zo hi, ci in son hi. (Bobby Jindal, the Oxford-educated Louisiana governor, dipped a toe in the water last week when he said the GOP “must stop being the stupid party.” He added: “The Republican Party does not need to change our principles — but we might need to change just about everything else we do.”

GOP te in amate sung pan mihing khat ii hawmthawkna a saang zo tu uh ziam? Jindal ii thu son sia news sung hong leet lei ngawl hi. Bangbangpo ahizong hong leet, hong leet ngawl ci sia sang thu man tatak sia bang ziam cisia thupi zaw hi. GOP te ngualzawna a nga kik nuam uh le, pu te pa te ii ngaisutna te pom kik in thu man thu tak tung ah hong din kik thei tu ki sam tu hi.


Thawngno

Doppha: “The GOP has turned its back on Reagan and Lincoln” by Paul Brandus ka doppha hi.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 91,022 hits

A Lui Te

Live Trific

google-site-verification: googled172884ff34d55c0.html