Nikonghong

Home » Biakna » Khristian Pilna: Nung Le Maa Thu (Christian Education: Now and Then)

Khristian Pilna: Nung Le Maa Thu (Christian Education: Now and Then)

By Thuam Cin Khai, EdD (CPU, Phils.), PhD (VIU, CA)

Thupat na
Tahan Siyin Baptist Church ih Tin Jubilee Magazine atu in Christian Education taw kisai mual suang at tu in ki hel thei ka hikom Tahan Sizang Tuiphum Pawlpi bup taw aki bangin ka lungdam hi. Hi mualsuang tungah at tu in Christian Education: Now and Then ci-in eima pau in Khristian Pilna: Nung le Maa Thu ci thulu ahi hi. Kristian Pilna ih ci ciang bang ciang huam tu ziam? Kristian Pilna ih nung thu le maa thu a tom kim in ih ki kum tu hi. Khristian Pilna ih nasep teng ih a nung le amaa thu ih kikupna taw ki zui in aki cian zaw in pawlpi atu le pilna taw kisai akin theampo atu ahi hi.

Kristian Pilna ih Cisia Bang Ziam? [What is Christian Education?]
Kristian Pilna ih ci ciangin သိဖာ၊ သိပလထပညာ sia natheampo abit phua Pathian tung tawn in piang hi. Tua Pilna sia Thuak pilna (Cognitive or  IQJ, Thinsung ciimna (Affective or EQ), le Thiamna tatuam (Active or MQ) taw kisai ahikom Kristian Pilna se ih pumpi (body) bup, ih tha (spirit), ih thinsung (mind) le leitung pilna theampo ih bulpi ahi hi. Kristian Pilna sia khang sawnte atu in ih hanciam tu le ih kep cing tu ahi hi. A masa phit bel in Lai Thiangtho bullet aa ki pattaa pilna le hil ciannate sia Kristian Pilna ih zung pi ahi hi (Paunakte 22:6). Tua zawk ciang theology pilna ih ci zong Lai Thiangtho abullet pilna (biblical theology) ahi hi. Lai Thiangtho bullet pilna (biblical theology) sia khua ngaisutna (philosophy), ih tat dan le thinsung puak zia (psychology) sia Pathian ih bitphua ni pan kipan tuni dong ciangin thu piang (history) teng taw hong ki sai hi. Tua thu teng theampo se Lai Thiangtho, thu man thu tak a bullet kul hi. Ta bang Lai Thiangtho, Pathian kammal a bullet thiamsinna le nuntakna tu pilna sia Kristian Pilna ahi hi.

Lai Thiangtho bullet Pilna (Biblical Bases for Education)
Thuciam Lui sungah Israel mite atu in “Kong thupiak theampo thumaan takin zui vun; TOPA na Pathian it vun a, a thupiak theampo seamin, ama tungah thumaan vun ” ci-in ahil sia Pathian hi aa (Thuhil Kikna 11:19, 22; Job 36:22; Pusuana 35:34), innkuanbup (Pusuana 12:26-27; Thuhil Kikna 4:9-10; 6:6-7; 11:19- 21 ;Ps. 78:2; Paunak 1:8; 6:20) atu in kamsangte (Micah 6:8; Zech. 7.T2), thiampite (Haggai 2:11; Mai. 2:7), mipil le thu heakna nei mi ciimte (Thuhil Kikna 13:14, Neh. 8; Jer. 8:8) in akhua akhua, akhawk akhawk in hil hi (Josh. 8:30-35; 2 Khang 17:7-11). Thuciam Lui sungah Pathian thupiak sia Torah, ta sia se kamsangte le laihilte in Synagoguete ah Pathian kammal, atuan in Thukham Nam (10) ahil uh hi. Thuciam Thak sungah Jesu le a nung zuite (Titus 2:11-12; Matt. 28:20; Mark 6:30; Luke 12; 12; Sawltakte 1:1; 2:42; 5:28; 13:2; 14:21; 17:19) in thu um mite in upna a pui cin thei na tu le nung zui maante ahi na tu in Pathian Kammal hil hi. Lai Thiangtho Kammal ih hong hil a bulpi in mihing hong bit phua sia Pathian lim le meal (image of God or imago dei) taw aki bangin hong bitphua ahi hi (Piancilna 1:27). Tua ahi kom Kristian Pilna ih ci sia Pathian ih lim le meal Christ Jesu tung tawnin Pathian meal le Jesu thinpuak akilangh sak tu ih hi hi (Philippi 2:5-11).

Khristian Ngaisutna le Thinsung Puak Pilna (Christian Philosophy and Psychology of Educations) Khua Ngaisutna le Thinsung puak tung tawn in Pilna nam tatuam om aa, ahi zong Pathian Kammal a bullet khua ngaisutna le thinsung puak pilna se Kristian Pilna ahi hi. Aristotle, Plato, Socrates ci Khuangaisut na taw ki sai amin thangte ih ngaisut nate zong Pathian ih bitphua sa nate tung tawn in hong piang ahi hi. Tua hi aa, စံျပ (idealism) ci kammal Plato ih khuangaisut dan ci sia ih phawk tha tam maw? Ette pha, akiciang tan khat, သခ်ာၤ (mathematics) pilna bangin အေျဖ (a-phyi) a om linlian khuangaisutna ahi hi. Sontena in matriculation lai huan, Intelligent Quotient ci in thuak pilna taw mark za khat nga cibangh, pilna system sungah matriculation na zo le college na tum zo tu hi. Ahizong matriculation na zo ba le college tum thei ngawl tu ci bang dan te se idealism ahi hi. Tua zawk ciang ျဖစ္ႏိုင္ေခ် ရွိရမည္ (realism) Aristotle ih khua ngaisutna la leu ciangin (systematic theory of logic) bullet khua ngaisutna hi aa, ahi theina lampi om hamtang tu hi ci khua ngaisut na ahi hi. Sonte na in high school lai sin ngei po le matriculation na zo aa, na zo bua zong atam zaw high school pilna nei hamtang tu hi ci khua ngaisutna ahi hi. Adang khat se လက္ေတြ႕က်ရမည္ (pragmatism) ci sia Dewey, James, Peirce te ih khua ngaisutna ahi hi. —>page 2

Advertisements

Pages: 1 2


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,568 other followers

Blog Stats

  • 91,411 hits

A Lui Te

Live Trific

google-site-verification: googled172884ff34d55c0.html