Nikonghong

Home » Leitung » Iraq Ngaal Kum Sawm Zawk Ciang

Iraq Ngaal Kum Sawm Zawk Ciang

Tuma kum 10 hun ahi, 2003 March 19 ni in, American ngam in Iraq sim aa, Iraq ngaal kipan hi. Tu in kum 10, kumzalomh khat cing zo ta hi. Iraq ngaal sim tu akipat lai in American President sia George W. Bush hi aa, Vice President le Defense Secretary sia Dick Cheney le Donald Rumsfeld hi. Tu ni Iraq ngaal hu in American ngam in phat tuamna bang teng nga ziam? Iraq ngam ee? American te ii lawm, American te a panpui ngam a suak ziam? Ci thu te sia American ngam mi te sungah dokna nasia mama thu khat hi top lai hi. George W Bush na Iraq ngaal sim kipat natu March 19, 2003 ni, anuai abang in taangkona (announcement) na vawt hi.

“My fellow citizens, at this hour, American and coalition forces are in the early stages of military operations to disarm Iraq, to free its people and to defend the world from grave danger. On my orders, coalition forces have begun striking selected targets of military importance to undermine Saddam Hussein’s ability to wage war. These are opening stages of what will be a broad and concerted campaign. More than 35 countries are giving crucial support — from the use of naval and air bases, to help with intelligence and logistics, to the deployment of combat units. Every nation in this coalition has chosen to bear the duty and share the honor of serving in our common defense……..”

Vice President Dick Cheney na

“Ei (USA) sia suatakna pia tu te in hong ki mu, hong ki muak tu hi ci in ka um hi” “My belief is we will, in fact, be greeted as liberators,”

ci in Press te tungah na son hi. Tu ni, America ah party lian 2 a om bangma, Iraq ngaal taw kisai ngaisutna nam 2 om hi.

NBC News te sonbang ahile, Iraq ngaal sungah American ngaalkap 4500 nai bang a nuntakna pia aa, 32,000 vaal liam hi. A liam sungah khut tawng, peang tawng ahi pumpi thi le sa tung bek hi ngawl, thuak lal in a ngoai cip, a mamaw a suak te zong kihel hi. Iraq ngaal huvau in Iraq ngammi ngaalkap ahi ngawl mihing 100,000 pan 600,000 bang thi hi. Ngaal huvau American kumpi in US $ 3 thrillion ($ 3,000,000,000,000) bo hi. Ann Weeby sia Michigan state pan hi aa, Iraq sim tu akipat lai pan kipan 101st Airborne ah akihel ngaalkap khat ahi hi. Ama ngaisutna sia, “Ih tup le ih sawm bel sia, WMD (weapons of mass destruction) mihing tam tatak tha natu akivawt ngaal hiam le, Saddam Hussein man tu ci in ngaal akisim hitana, Iraq ngam sungah WMD bangma ih mu ngawl zawk le, Saddam Hussein ih mat zawk nungsang, Iraq ngam sung ih aw-om tu kul san awn bong”[NBC]

Fox News te sia Republican party te a panpui tawntung media hi aa, Fox News sungah Iraq ngaal taw kisai ahoi thathei tu in son hi. Iraq ngaal huvau in American ngaalkap te in experience tam mama kinga aa, ngaalsim zong ki thiam mama zo hi. Navy SEAL te in bangzata ngaal sim daan taw kisai thiamna le kivakna nga hi ziam cisia na ngaisutna taw zong ban zo ngawl tu ni hi ci hi. Tusia sia kuama heak ngawl in Iraq ngaal pan ih nga phattuamna khat hi ci hi. [FOX]

The Week sungah Iraq ngaal tungtang ih ngam lampui te ngaisutna khial dikdek hi. Ngaal huvau ih sipuazii lalcip hi, ngual ii hong zaatakna kiam sukcip aa, ih ngam ii security zong tawm vaial hi. Iraq ngaal hu in tu ni ih nga, ih lua thu in tuteng hi. Ahihang tu ni, Iraq ngaal aphuangpi ahi, George W Bush, Cheney le Runsfeld te thim diidee hi, bangma pau ngawl haam ngawl in om uh hi. Iraq ngaal tungtang ih lampui te ii khial bel thu 5 om hi.

1. Nuam tak kizo tu ci hi (They said it would be a “cakewalk”)
Iraq te no mu in ol no tak in zo tu na ki um uh hi. Ahihang doai ngam sung pai bangma hong hi hi. Defense Department te ii sazian bang ahile, American ngaalkap 4,486 thi aa, 32,223 liam hi. Iraq ngam mi (ngaalkap ahi ngawl) 134,000 thi ci ahihang, Watson Institute for International Studies, Brown University na Iraq ngam mi thi sia tua saang aza 4 bang dong tam zaw thei tu ci hi.

2. Sum tam bo ngawp buante (The said it would be cheap: $ 50 billion-60 billion)
Bush kumpi na billion 50 pan billion 60 bang bo bek tu in um hi. Ahihang tasia sang aza 31 vaal bang bo hi. NBC news sungah trillion 3 bang bo ci hi. Brown study na ngaal vingveng atu $ 1.7 Trillion bang bo aa, ngaalkap lui, ngaal pan cia kik te atu billion 490 bang bo hi. Ngaal huvau apiang thu tatuam te pua kik natu, mihing, ngaalkap lui te vai tatuam, kibawlna cibang na ah mai kum 40 sitset sung ih zak lai tu trillion 6 ($ 6,000,000,000,000) bang ih zak kul lai tu ci in son hi.

3. Iraq ngam ii namngim zak sak tu ci hi (They said Iraq oil would pay for it)
Deputy Defense Secretary Pau Wolfowitz na March 27, 2003 ni Congress sungah hibang ci hi. “(Iraq ngaal atu) sum zak tu tam mama hong om tu zam, U. S ngam mi te ii tax zak kul ngawl tu hi” (“There’s a lot of money to pay for this. It doesn’t have to be U.S. taxpayer money,”) ci hi. Iraq ii namngim pan kum khat billion 50 pan billion 100 kilaklaw bang sia kum 3 sung bang ki nga tu hi, ama te a ngam apua kik natu sum akicing in amate na nei lel hi, ci in ama in son lai hi. Tu ni Iraq namngim tungtaang kua na nop tuamna nga ziam? Russia le China bekna nga siat aa, Piantit te ii Total company na tawm nga hi. Iraq hong kipua kik aa, namngim to tu in hong kipan kik hi. 2009 kum Iraq ngam sung namngim zong tu leitung company tataumte in namngim zon khuan nga natu lay-laan (auction) kidem aa, Russia le China company te in atam zaw nga siat aa, Franch company Total na tawm nga hi. American company te ee bangza nga ziam? Zero. Tuabek dom ngawl Iraq ngaal hu in namngim manh ani ani khangto hi. Iraq ngaal kipatma namngim pipa khat (barrel 1) $ 25 manh bek hi. USA ah datsi gallon khat $ 1.72 kiim hi bek hi. Iraq ngaal pian zawk kum 5 zawk ciang namngim pipa khat $ 140 theng aa, USA ah datsi manh $ 4.11 dong a sang bel na theng ngei hi. Tu ni Iraq ngam ii namngim pan bang phat tuamna ih nga ziam?

4. Ngaal man leang Ih ngam muan huai zaw tu ci hi (They said the war would make America safer)
Tu ni Iraq ngaal na American te a muan huai din mun hong then ngawl aa, a lau huai saseam dinmun hong then zaw hi. 2006 kum Bush President sep hun sung, American intelligence agency 16 ii muna, report bang ahile, Iraq ngaal hang in Islamic radicalism (Islam atu a nuntakna aki pia ngam, ngaisutna nei te) te haat saseam aa, khang saseam ci hi. Tuate hu in terrorist te ii America hong sim tu sia nidang sang chance tam zaw aa, America ngam sia nidang sang amuan huai ngawl zaw na ngam din mun ki theng hi ci hi. American in Iraq a simma Iran le Iraq sia aki sim tawntung, aki ngaal vilvel ngam 2 ahi hi. American in Iraq a sim ciang Iran te nuai hiuheau bek hi. Iraq ngaal sim ma middle east sung ah Iran te a control tu Iraq ngam om hikale, tu ni Iran a control kik tu, kuama on ngawl aa, Iran in suakta tatak in American le Israel hong lang pang tu in hong kipan zota hi.

Abu_Ghraib_prison_abuse

Abu Ghraib thong sungah US ngaalkap khat le Iraq thong taak 2 a taw pan thiik taw khil in a kam pan pusuak sak, (voksa pum khawng em tu daan)

5. A thuman ngaal simna hitana Amarican minam thupi hong ki sa tu ci hi. (They said it was a just war that would uphold American value)
Leitung ngam tatuam ii America hong zaatakna, hong tung etna thu te sia, 9/11 man zawk le, iraq ngaal sim zawk ciang taak suk vahiit aa, kiam suk cip hi. Atatuan in Baghdad khua Abu Ghraib thong sungah Iraq thongtaak te tungah US ngaalkap te ii vawtsiatna, ngamtatna te in American ii maitang bealmang hong noai cip hi. Abu Ghraib thong inn sung piang thu huvau in America ii vaang (reputation) sia, patang seksol, patang pui te thazaw suang in zawthawk thu taw a ngamta khat bang in leitung bup in hong mu hi. Poll ki doknate ah 2002 le 2008 kilaklaw America dik a sa ngawl leitung ngam tam vaial hi. USA ii lawm phabel ahi UK, Germany le Japan ngam ngangawn ah, USA tung dik asa ngawl khang hi. 2006 lai ngam 15 sung survey ki vawtna ah ngam 13 na American ii Iraq sung a om hu in ngaal pian natu a lau huaina sia, Iran ngam ah Mahmoud Ahmadenejad President a sua hu in ngaal hong pian natu a lau huaina taw kikim hi ci in ngaisun hi. Ngam 15 poll laakna ah ngam 11 na, Middle East sungah Israel le Palestin te ii kilem ngawl na sang in US ngaalkap te Iraq sung om sia lau huai zaw, ahibuale zong kikim ci in ngaisun hi. Athu cing original in a sim nuampo PEW RESEARCH ah kisim thei hi. Abu Ghraib thong taw kisai acing zaw na sim nuam le WIKIPEDIA sung ki sim thei hi.

Tu ni America ii Iraq a sim hu, mihing tam mama thi, sum tam mama bo, leitung muan huai ngawl saseam, American ii vaang kiam ci in taangthu en kik leang ki nial thei ngawl hi. Tapidaw thu um piangthak akisa te ii ngaisutna koi bang tatak hi tu ziam ci sia zong dok kakoai nop huai sa mama ing. Banghang ziam ci le, ka piangthak, Christian ka hi aki ci mihing tam mama sia, a pianthakna, a Pathian upna tung ah ding in thu son in a om tu saang, a din pui, a muan political party ii policy tung ah ding in thu son thei, pan pui thei hi. Pathian thu taw thu khen ngawl in, a up, a muan political party ii policy taw thu khen thei Tapidaw tam mama ih om hi. Suapui….nang ee? Koibang na ngaisun le?

TN

Advertisements

1 Comment

  1. thawngno says:

    Iraq ngaal kum sawm zawk ciang thu taw kisai American te pawl khat ii comment pawl khat: …

    1. By Al
    Late Saddam was a mass murderer and big time thug, but he hated Taliban and their terrorist buddies in a big way ( as they were always against him vying for dominance in Iraq). While Saddam was in power, his secret police kept close watch and check of all the local troublemakers ( aka terrorists). US Army did a HUGE courtesy to local Taliban by removing Saddam and his minions from power, and in the way, was the main cause of the new terrorist threat coming from Iraq these days. And what do we have to show for all our trouble these days – Just Billions of US Tax dollars WASTED and thousands of US Soldiers dead or wounded on another empty cause. And, the former War Monger Politicos as either silent or say Mea Culpa, and just go on with the daily lives. Well, after all they got their perks to spend and golf games to finish with their Wall Street supporters. Business as usual!!!

    2. By Ugly
    One of the last American COMBAT soldiers to leave Iraq had this to say: “My heart goes out to the Iraqi people. The innocent always pay the bill.” Very sad and very true. A terrible mistake was made there. We have stirred up a hornet’s nest in the Middle East. And it will end…how?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,568 other followers

Blog Stats

  • 91,411 hits

A Lui Te

Live Trific

google-site-verification: googled172884ff34d55c0.html