Nikonghong

Home » Pilna » Pilna Laingil (Human Resource)

Pilna Laingil (Human Resource)

Pilna LaingilBy Syapi Lam Za Khai, TEO Matupi

Innkuan, khuasung, ngamsung khanto natu in mihing pilna laingil (လူ႔စြမ္းအားအရင္းအျမစ္) kisamh hi.

Pilna ih nga natu in, thinsung pha kisamh masa hi. Nu le Pa thinsung phate in, a tate khanto natu ngaisun in, nupa thukim in, innkuan thu kikum in, vaihawm uh hi. Innkuan pha a pian natu in leitung ah innsung zak tu pilna kisamh masa hi. Nu le Pa phate in a tate hilh in, lam maan a tot thei natu in lampui uh hi. Nu le pa pilte in, a tate a sua panin kipan, zundan, eakdan hilh paih in ngualsung a kihel thei ciang dong, lampha zui suaksak hi. Anneak tuidawn zia le kampau phate hilh hi. (Pu nak tu, Pa, Pi nak tute) pilna laingil nga natu innkuan in a thupibel ahi hi. Innkuan pha sung pan a pusuak tate, sanginn pan zong a Syate thu ni zaw paih hi. Inn nupi pha in, nitak sim in a tate lai et pui hi. Ni khat a sin sang laite tuni bang sin nu ziam? ci in dongh kik hi. Lai ih hilh thei bua zong, nitak sim in ih tate lai ih etpui tu kisamh hi. A kisamh tu nikteen puansilte le laikung laiteete in, innkuan papi zon tu ahi hi. Innkuan khat ii lutang in pa hi a, innkuan thuzeakpi in nu ahi hi. Ih tate pilna nga natu in, innkuan nupi in a thupibel ahi hi.

Innkuan sung, khuasung khanto natu in pilna le ciimna kisamh masa hi. Ciimna in pianpui ciimna le kiim le paam pan ih nga ciimna om hi. Pilna in sinna pan ih nga pilna, mit taw ih muna pan pilna, bil taw ih zakna pan ih nga pilna, a pha sepnate ih zuina pan ih nga pilnate ahi hi. Pilna bek taw kikhangto thei ngawlin, pianpui ciimnate taw ih ngawm kul hi.

No lai ma in ngamtat phat tu innkuan sung pan mama in, kipatta tu kisamh hi. Sunday School maanmaan a kaa khat le maanmaan a kaa ngei meal ngawl khat ii ngamtat phatna hong kibang ngawl tu hi.

Kum zalom 20th in I. C. T. hun (Information Communication and Technology Age) hi a, tu hun ciangin mun tuatuam taw kizopna ol mama hi. Zum laite hunlap in Fax, Email taw kipuak thei ta hi. Salong (စေလာင္း) T. V taw in leitung bup kimaina, poaite, sum vawtnate, ih om mun panin ki en thei hi.

Kum zalom 21th in Pilna Kum (Knowledge Age) hi a, Leitung pilna in eite hong thato hi. Leitung pilna ii hong thatonate ih thuakzawk natu in pilna laingil kisamh hi. Pilna ih ci ciang, pilna pha kisamh hi. Singapore ngam sia leitung, leisung sumpiang vanhte a hau ngawl hang, pilna laingil hau ahikom in, leitung ah mihau ngam tang hi. Natural resources hau ngawl ahihang human resources hau hi. Leitung pilna ii thatona ah ngualzawna nga hi.

Tate pilna laingil nga natu in, a pha nu le pa kisamh masa hi. Bangma ih nei bua zong innkuan nuam kisamh masa hi. Innkuan nuam hi leang, ih tate a thin nuam in, nasep le lai, hong hanciam tu hi. Pilna nga natu ih laisim zongsanna (reading habit) ih nei sak maksak tu kisamh hi. Sang lai sim bek hi ngawlin, Lai Thiangtho le leitung lai dangte zongh ih sim sak tu kisamh hi. Lai Thiangtho panin Pathian thu hong he tu a, Sanglai panin pilna hong nga in, lai tuatuam panin, ciimnate hong nga tu hi. Laisim hangin Knowledges (သညာမွတ္တတ္ေသာ သေဘာ) ပညာ wisdom (ခြဲျခားျမင္တတ္ေသာ အသိဥာဏ္) te, hong nga tu hi.

Ih tate sangkaana ah, a tan sim ma thupi hi. Tanlang, tankhat po ci ngawl tu hi. Tanlang tankhat ma, lai hong zo le, tansaang te ah paisuak pheang hi. Nu le pa pawlkhatte in tan (9) tan (10) ciang in, sang hoina ah ih tate ih koi nuam hi. Thunghawm khat ih din sak hang hong ding thei ngawl tu hi. Vanh taw khiak nei kul hi.

Ih tate ii thuak (brian) nam (4) in, ih khen tu hi. (1) lai he pal, ciamtee thei, (2) lai he pal ciamtee thei ngawl, (3) lai he hak ciamtee thei, (4) lai hehak ciamtee thei meal ngawl. A ciamtee thei meal ngawlte in, ngual sangin a see tampi ih hanciam kul tu hi.

Pathian naseamte zongh in, Laihuan nai ciang bekin pilna ih nga natu le lai on natu, thunget tu bek hi nawn ngawl hi. Kum khat tawntung thintoi in thungetna le thapiakna, ih nei tu kisamh hi. Pawlpi mite, lai hong thiam le Pawlpi sung zong nuamzaw tu hi. Pilna laingil hong nei kim le upna laingil zongh hong neikim tu hi. Leitung hong uk kumpite paizia zongh ih heak kul ta hi. Lai Thiangtho bu khat bek taw kiman thei nawn ngawlin, leitung thu zongh ih heak tu kisamh zo hi. Leitung paizia a kikheal bangma in, Pawlpi kalsuan zia zong ih kheal kul zo hi. Pawlpi mite sangin ih pil zawk tu kisamh zo hi. Mikanglai, Mikangpau, Kawllai, Kawlpau Computer, Internet, Email cite a lum, a let-in ih zak thei tu kisamh zo hi. Pawlpi hong khangto masa le ih minam ih pilna zong hong khangto tu hi.

Pilna in ih nuntakna tu bek hi ngawl a, ih khanto natu hong hilh, hong hesak na khat ahi hi. (Education should be life itself; not a preparation for living).

2012-20:13 Education Year June tha sang hon pan kipan ih tate sang kaana ah, ngantha bangin paisak thong nawn ngawlin, nitak simin, a syate a syamate ii ni khat a lai hilh teng, dongkik in lai et pui leang phattuamna tam ma om lai tu ka um hi.

1964 kum panin a kipia nawn ngawl laipilte huuna (Scholarship) 2012-2013 laisin kumin Kumpi thakte in, hong pia kik hi. Myone lian pan le Myonekhuai pan 4th Std (1) le 8th Std (1) kiteal in, Khamtung Zo ngam bup ah sangpatang (24) in, huuna sum nga hi. Ahihang Sizang mi khat zongh ka mu bua hi. Pilna ih niamzia kimu thei hi. Tan 4th Std. ongte in tha khat Ks. 10, 000/- 5th Std. pan 8th Std. dong thasim in ngatu hi. 8th Std. ong te in 9th Std. le tansawm tha khat Ks. 15, 000/- kihu tu hi. University kate zongh, State and Division sim pan tansawm a mat saangbel Arts pan (1), Science pan (1) kiteal in huna sum kipia tu hi. M. C (Ha) zato sangte tha khat Ks. 100, 000/- le University zui in Ks. 80, 000/- 70, 000/- ci bangin kikhensak hi. Eimi ih kihel tam?

Ei Sang Sya, Syamate zongh kipuaphat (reform) kik tu hong kisamh tu hi. Kumpi thak te in, ih lamet sangin, a tamzaw thasum hong pia ahi ciang, a see tampi, na ih sep kul tu hi.

Education is transmission of Culture from one generation. (ပညာဟူသည္ ယဥ္ေက်းမႈ အေမြအႏွစ္ကို တစ္ႏြယ္မွ တစ္ႏြယ္သို႔ ေျပာင္းေပးျခင္းျဖစ္သည္)

Education is Jewel in the globalization while teacher is key player. (ပညာသည္ ကမာၻ၏ ေက်ာက္ျမတ္ရတနာျဖစ္သည့္ ၾကားမွ ဆရာသည္ ေသာ့ကိုသူျဖစ္သည္)

An interestment in knowledge pay the best interest (ေငြေၾကး ရင္ႏွီး ျမႇပ္ႏွံျခင္းထက္ ပညာေရးတြင္ ရင္းႏွီးျမႇပ္ႏွံမႈျပဳျခင္းသည္ အတိုးပိုရသည္)

Without teaching of a teacher one will not do things correctly. (ဆရာ မျပ နည္းမက်)

Etkik huaite

  • Ih laitan taw a kisi, pilna ih nei ziam?
  • Ih za taw a kisi pilna ih nei ziam?
  • Pathian hong piak pilnate a cing ih hawmkik ziam?
  • Kumpite ii hong piak thasum taw a kilawm in na ih seam ziam?
  • Ngam le lei atu deisakna takpi taw na ih seam ziam?
  • Tuni ka lai hilhna ah sangpatang bangza in pilna a nga tu ziam?
  • Sang Sya ka sep kum hiza sung ah mihing bangza in khanngual taw a kim tu in mi ka suaksak zo ziam?
  • Kum khat sungah ni bangza sang lap ngawlin ka omngei ziam? Period bangza laihilh ngawlin keima na ka seam ngei ziam?
  • Leitung pilna khangto mama na sungah ka sangpatang bangza leitung khuano (Global Village) sungah ka teenpui zo ziam?
  • Nau omh kawmin sang ka kaa hangin ka lai hilh tu % bangza suangsam ziam? Midangte in hoi hong sa tu ziam? Tua ahikom in, tanote lai heak natu pilna a kici Suangmanpha ih ngasak natu in nu le pa Sang Syate bek hi ngawlin Pawlpi a keam Pastor te in thutak in, ngaisun in ih kalsuan thak tu (reform) kisamh hi.
geothermalheatpump

Geothermal Heat Pump

copesuanpau

Interpreting Religious
Conversion among the
People of Myanmar

thuam

Christian Pilna Nung le Maa thu

education

Va bang pil ding, hanlungciam

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,571 other followers

Blog Stats

  • 92,424 hits

A Lui Te

Live Trific

google-site-verification: googled172884ff34d55c0.html