Nikonghong

Home » Sizang » Siallum Kulh Kumpi Vaipuak A Suana Thu

Siallum Kulh Kumpi Vaipuak A Suana Thu

By Vungh Ko Khai

Siallum kulh ngal kidona thu sia Independent nga maa ci thada, independent nga zawk zongh in, thu tatuam hu in kison nuam hikale a kison ngam ngawl khinkhian thu hi. Ahihang leitung omzia taw kisai in, tu hun ciang kison nuam a, a tangthu ki at nuam mama tek in, kikin tek luilam ih hikom ka lungdam hi.

Siallum kulh thu ka ngaisut simin, Chin Affairs (Zo Zum) Chairman Major Son Ko Lian (Aye Aye Lian ii pa) ka phawk hi. Banghangziam cile zum nasep hong zak thei tu Sizang mi kei, ngangno Thang Kho Cin le a P.A. U Suangh Cin Pau bek ka om uh hi. Ama hun sung bup, 1962-1972 dong, zum thuku ahizong, ama private thuku ahizong a vekpi in keima ii sepsak siat ahi hi. 1965 kum kipat, zingsang khat a inn ah hawin thu nam thum ka son pui hi. “U Vum Ko Hau in World War II bo bek lian le Thuklai Sangpi hong phut lian thei zen ahi hu in khansuang limcii khat nga paih hi. Nang zongh khansuang limcii pawlkhat nong phu sak tu sia lawp mama khi hi. Ka U Suang Cin Pau superintendent hong piaksak tan, Siallum kulh le Thuklai-Thaang lam te nii Kumpi vaipuak hong suaksak tan” ci in ka sonpui hi a, ama hong zona ah “Khansuang dei tuan bong na U Suangh Cin Pau sia muang ngawl khi hi. A dangte nii sia dadam in ngaisun tawng” ci in hong zo kik hi. (Remark: Tua hun laitak Kalaymyo, Aung Thitsa yatkuat (quarter) inn khat kumpi in saapsak a, a zing thawna in Army Rum tawm le niangphan hel in a zak laitak hi. Zozumpi ah branch 6 a om sung pan branch 4 ah Kawlte superitendent 4 om a, Rakhine te superintendent khat om hi. Branch 1 superintendent khat awng sia a khua ngei zawkciang Daw Phwa Tin deina taw Kawlpi Laito, Inspector of Post U Maung Ko sia zum branch 1 uk tu in superintendent in kikhan hi.)

Tua thu nam 3 ka sonpui zawk ngei ngawlin Administration branch panin Cultural Branch ah hong piangsak hi. Cultural Branch pan 4 March 1965 ni in zum lai nambat Yaka – 6/5 taw Siallum kulh pua natu estimate sum Ks. 3400/- Cultural Ministry ah kingen hi. Tua ka estimate vawt sia tawm leih sa ahihang, thu konghon photna hi lel zam, damin kizom tato tu zam, a thu zongh kicing ngawl lai hi ci in hmat-chiat (note) hong pia hi. (Ministry ah personal a son sa hi). Siallum kulh puua natu thu le budget estimate thu, Kyi-mone tadensa sungah 14 Sep.1965 ni in hong suak hi Estimate sum Ks. 3400/- sia 27 Sep. 1965 ni in Kalaymyo Post Office panin Deputy Secretary U Ngun To taw ka thuh khawm uh hi. Tua sum Ks. 3400/- basic kivawt phot hi. 1967-68 ciangin sum tampi tak allotment hong kipia a, nasia takin kivawt thua bek dom ngawl, Kulhcing (Darwun) khat hong khan in tu dong thasum hong piaksak hi. Tua zawk kum tam mama kilee et ki nawn ngawl ahikom, a uumna thikkhauling te kisia tham bek dom ngawl, khansuang uumna thingte muat tham in, khansuang tona concrete te laltham hi. A hoi maw phit ahi khansuang uumna thik taw laih tu le a thi teng ii min at thua natu record maan ngawlte a maanin at kik natu theampo bona sia 2009 kum William Lamhno in Lakh 2 hong sik in transport le arrangement teng keima ka si hi. William Lamhno tungah nasia tak in ka lungdam hi.

Tua hi a, Sizang ngam, Khamtung ngam bek hi ngawlin Kawl ngam bup ah a minthang Siallum kulh tangthu sia a maanbel, hun paidan le om dan a dadawl, a khang a khang taw kizui in a tangthu a limcii tatak khat suaksak in kum 125 cinh, 4 May 2014 ni ciangin
thuthuk tak taw ih pualaak thei tu sia mihing thukan tinghtengh Committee khat in vaihawm thukhensatna kul ahikom, a nuai reference teng sungah, a kihel ngawl lai peuma nong puak tek natu uh hesuak kong ngen hi.

Siallum kulh taw kisai mi 36 ii phua langui 77 sia 1968 kumin laibu no khat kivawt a, tuasia sung a kihel ngawl lai le, tuasia zawkciang a kiphuak thak la teng zongh nong puak tek lai natu uh in zongh hesuak hong ngen thua ing.

(Thuklai-Thaang lampi le Sizangkual lampi thu a tuamin kiciamtee hi.)

siallum 2

Siallum Ngal kidona thu khoptuasa teng
1. Carey & Tuck, The Chin Hills Vol.1, 1895
2. Thawng Kho Hau, Zo Khang simna Part-1, 1955
3. Son Ko Pau (Lt.Col.), Coffee Plantation, 1956
4. Dorothy Woodman, The Making of Burma, 1962
5. Vum Ko Hau (Dr.), Profile of a Burma Frontier Man, 1963
6. သတင္းေထာက္, ေၾကးမံုသတင္းစာ 1965
7. လူထု ဦးလွ၊ ေသာင္းေျပာင္းေထြလာ ေရးခ်င္ရာရာ 1966
8. Khup Za Thang (Capt.), Siallum kulh Tangthu, 1969
9. Vungh Ko Khai, ရွာလ္ လုမ္းခံတပ္ (Siallum Fort) သမိုင္းအက်ဥ္းခ်ဳပ္ 1976
10. ဌာန၊ ခံတပ္ ကမၺည္းေက်ာက္စာ (ျဖည့္စြက္မွတ္တမ္း 2009) VKK, 1977
11. Tual Khan Za Pau, ရတ/သမိုင္းဌာနဂ်ာနယ္၊ အတြဲ (၆) အမွတ္ (၁), 1992
12. Editor, Buanman kum 250 cinh Magazine, 1999
13. Vungh Ko Khai, ရွာလုမ္းခံတပ္ေဟာင္း သမိုင္း အက်ဥ္းခ်ဳပ္(Siallum Fort), 2000
14. Vungh Ko Khai, ရွာလုမ္းခံတပ္ သမိုင္း အက်ဥ္းခ်ဳပ္ 2002
15. Vungh Ko Khai, ရွာလုမ္းခံတပ္ သမိုင္း အက်ဥ္းခ်ဳပ္ (Siallum Fort), 2003
16. သန္းထြန္း (စကု) ေရႊျပည္သာ ဂ်ာနယ္ အတြဲ (၃) အမွတ္ (၃) 7/2004
17. Vum Son (Dr.), Zo History, 2004
18. Son Za Hau, YSBC Silver Jubilee Magazine, 2006
19. Ngo Thian Tun, Zomi Siamsin Magazine Vol. II, 2008
20. Thuk Lian, SCC Annual Magazine No.3, 2010
21. Editor, Limkhai (B) Christian Centenary Magazine, 2006
22. Thian Khup, C.C.C.N Magazine, 2004
23. Dawt Sung, ခ်င္းအမ်ဳိးသားမ်ား၏ နယ္ခ်ဲ႕ဆန္႔က်င္ေရးသမိုင္း
24. Cingh Khan Dim, M.Div. Thesis,
25. Lian Khai, Article, 2011
26. ဌာန၊ ေတာင္တန္းေဒသမ်ား၏ နယ္ခ်ဲ႕ ဆန္႔က်င္ေရးသမိုင္း၊ ခ်င္းေတာင္တန္းေဒသ
27. မန္းညြန္႔ေမာင္၊ ေရွ႕သို႔ ဂ်ာနယ္ အတြဲ (11) အမွတ္ (4), 7/1967

Heaktu: SCC Magazine sungpan

Siallum Kidona Thu

Siallum Kidona Thu

siallum kum 123

Siallum Kum 123 Cing

siyin chiefs

Thuantak maw Suantak

siyin mode

The History of Siyin by Carey & Tuck

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,568 other followers

Blog Stats

  • 91,411 hits

A Lui Te

Live Trific

google-site-verification: googled172884ff34d55c0.html