Nikonghong

Home » Cidamna » ObamaCare le GOP

ObamaCare le GOP

October 1 pan ObamaCare kipan ahihang, tudong senpi vahet ci om ngawl in problem tam mama hi. ObamaCare website ahi HealthCare.gov zong hoitak kitum thei vaset tatak ngawl ahikom, Obama le Health and Human Services Secretary (wun-kyi) Katheleen Sebelius kimawsiat aa, buai pui mama hi. Obama na health insurance na neisa a lui sia na cancel nuam bawle zong kinga hi ci in tam vei ma kamciam pia ahihang, mihing tam mama insurance lui ki-cancel sak ahikom, a lungkim ngawl tam vaial hi.

Health and Human Services (HHS) na ObamaCare kipat zawk tha khat sung mihing bangza tatak na seao zo ci thu zong suak sak ngawl ahikom, kitel thiang ngawl hi. A seao hong tawm mama le zong nikhat ni ciang, kuama dei ngawl program khat hi ci in, GOP te in kaap kik le hong bo kik tu zong lau huai hi. Tu laitak sia GOP Republican te na ObamaCare program a bo natu septu thupibel nambat khat in koi aa, sim citak sim hi.

Tu laitak liian GOP te ii ObamaCare tungtaang a zakbel kammal sia “told you so” (kong ci ma ngawl ziam) ci kammal ahihi. A patma pan kipan kong ci sa ma ngawl ziam, tu na he zo uu, a ci nuam uh hi. Ahihang, liberal ngaisutna a nei laiat thiam pawl khat na GOP te tung a dok kik thu in “Tuale tawm vei zawk ciang ObamaCare program, hong kipapuato ii, hong senpi kik le eh?” ci thu ahi hi. Washington post sung laiat columnist khat ahi, Greg Sargent na: “ ObamaCare website taw kisai buaina sia thu no, thu thathong hi ngawl hi ahihang, GOP te a kidawm bua uh le, amate tungah siatna le haksatna tam mama piang sak thei tu hi.” ci hi. Website sia kipua saan aa, November tha sung hong man ii, ngam mi te na, ObamaCare sia ngualzo hi, (successful health insurance program) ci in hong ngaisun ii hong saang le, GOP te bang law tu ziam? ci in at hi.

GOP te ii ngaisut tu thu khat sia, Obama le Democrat te na, hi program sia olno tak nusia nawn ngawl tu aa, pua tato tu hi ci thu hi. ObamaCare a bo thathei natu, kumpi zum ngangawn a khaak dong GOP te kalsuan in ngamta zo ahikom, GOP party ii lal natu, kisiatna tu a hi tu zong lauhuai mama hi. [The Washington Post]

Liberal ngaisutna nei laiat khat ahi, Bill Scher na “Lawlawse, Virginia governor kitealna pan kitel mama pai hi” ci hi. Virginia kitealna November thadet sung kivawt tu hi. GOP pan Ken Cuccinelli le Democrat pan Terry McAuliffe kidem tu hi. Democrat te in Ken Cuccinelli sia Mr. Shut Down ci in min vaw aa, October sung kumpi zum khaak tu a vaihawm pi sung kihel hi ci in nisim meezolna (campaign) nasia tatak in sim hi. Hong kidem tatak le kuana zo takpi tuziam ci kitel ngawl lai ahihang, poll laakna ah, Terry McAuliffe adei tam zaw zo hi. GOP te a khanlaw tu hun mama zo hi. Apha zong apha bua zong ObamaCare ngaimawkna bebek taw kal suanna sia, pilvaang politic kal suan zia hi ngawl hi ci hi. [The Week]

ObamacareRolloutHypocrisyfromGOP

CNN news sung Kentucky state ah, ObamaCare nuamtak kizangh thei tu kipan zo ci thu hong suak ciang, GOP te in um thei ngawl aa, a son tu he ngawl uh hi. CNN thu son Carol Costello na GOP Representative Renee Ellmers thudokna interview vawt aa, “take a deep breath” tu news kong lak tu sia na etma hu hoitak diik phot in ci aa, tua zawk ciang Kentucky state sung ObamaCare koibang kizangh aa, koibang senpi zo ci thu, video clip le Kentucky governor Steve Beshear ii thu sonna en sak hi. ObamaCare nasia tak a langpang GOP Representative Renee Ellmers a kam awk in a son tu, he ngawl hi. Tua CNN program a en peuma na he tu hi.

The Hill colunist laiat Fernando Espuelas na GOP te ii tu laitak a laubel thu sia, ngam mi te in ACA (Affordabel Care Act) ci in a kihe, ObamaCare nuam hong sak tu, senpi hong sak tu thu hi, ci in The Hill sungah at hi. Tua ahikom GOP te in kumpi zum khaak dongtak, hong pian natu kal hong suanpui zo hi ci hi. (Driven by that fear, the GOP has made some politically disastrous decisions recently)

Ngam mi te sia mamaw ngawl het hi. Hun khat ciang, ObamaCare hong senpi le GOP te a awsua hong lai kul tu hi. Bangbangpo ahizong, amate ii ngamtatnasa le, kal suan zia te in amate atu liamma nasia mama pia tu ci thu zong kimu khol thei hi. GOP te na Obama ii Medicare program sia nasia tatak hawmthaw hi. Ahihang hi Medicare program sia GOP president George W. Bush hun pan akipan hi nginge zaw hi. Tu ciang Obama ii ACA hawmthaw in nasia tatak sim laleao hi. Atatak ci leang, ObamaCare taw a kibang program khat a vawt masa sia, Mitt Romney(GOP) hi aa, Masachusette governor a sep lai in zangh zo aa, tuma kizangh nginge hi. Hitana, ObamaCare ii kipatna bulpi sia GOP te tungpan hi zawsap hi.

house-gop-plan-obamacare-shutdown

Fortune  sung columnist Nina Easton na, 2014 Congress kitealna hong om tu hi. Tua hun ciang, ObamaCare website ii problem sia GOP te ii problem hong suak ngawl tu ki ci thei ngawl hi ci in Fortune sungah at hi. Government shut down a piang sak GOP te ii poll sia hong tatak le, tua hun ciang Congress sung a tamzaw (Majority) hong nga zawk nawn ngawl natu a hi hunlam, kua na son khol thei tu hi ziam?

TN

Doppha [The Week]

Advertisements

3 Comments

  1. thawngno says:

    Virginia state ii tulaitak Governor sia Bob McDonald (GOP) hi zaw hi. Kitealna mai nipi sung om tu hi. Virginia sia red state (GOP state) hi tawntung aa, 1964 pan kipan president kitealna DEM te na zo ngei ngawl hi. Ahihang 2008 le 2012 ciang DEM te in hong zo hi. Tutung Governor kitealna thupibel kinial thu in, ObamaCare, Gun Control le Women rights hi. DEM pan akidem tu Terry McAuliffe na ObamaCare dei aa, Gun control nasia tatak vawt nuam aa, Women rights pia nuam hi. GOP sang pan akidem tu Ken Cuccinelli na, ObamaCare dei vet ngawl (government shut down atu a lampui sung kihel) aa, Gun control vawt nuam ngawl, Women rights dei ngawl hi ngawl ahihang DEM te za kihong ngawl hi. Ken Cuccinelli (GOP) sia Tea Party Kentucky Governor Ran Paul, Natioanal Rifle Association le Repulican Governor Association te na panpui aa, million 4 meezolna zaktu pia hi. Terry McAuliffe (DEM) sia Clinton te nupa na meezolna (campaign) ah panpui, thu sonpui hi. DEM sangte na Ken Cuccinelli sia Mr. Shut Down ci in min vaw hi. Kiteal tu ni hong theng dektak zo aa, tu ciang dong mipi tung poll dokna theampo ah Terry McAuliffe (DEM) in zo hi.

  2. kam cin says:

    hi bangh thu acing akitel vaset nong suasak ka lungdam mama hi.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 90,038 hits

A Lui Te

Live Trific

google-site-verification: googled172884ff34d55c0.html