Nikonghong

Home » Sizang » Ph.D Nga Sizang Numei 2 Ii Thu Atom

Ph.D Nga Sizang Numei 2 Ii Thu Atom

Dr. Hau Cingh Mang B.Sc, M. Sc, Ph.D
Lt. Col. Thian Ko Khai (Rtd) le Nu Ciin Za Cing te ii tanu hi a, 4 Nov. 1956 in Kyaitung, Shan State ah piang hi. A suapui teng a nuai a bang hi.
1. U Thang Za Pau
2. Daw Hau Khan Dim (USA)
3. (Daw Zam Cing Hau)
4. Daw Khup Za Cing
5. Daw Hau Cingh Mang
6. U Thian Za Mung
7. Daw Thang Za Man

1973 kumin No. 2 BEHS Latha, Yangon pan Tan sawm ong hi. Yangon University pan Nov. 1977 in B. Sc., 1982 kumin M. Sc. nga hi.

1983-1986 hun sung No. 1 BEHS, Kamayut, Yangon ah JAT seam hi. 1987 kum ciang a nasepna mun laih a 1987- 1994 hun sung Monywa College le Yangon University, Zoo Department ah Demonstrator seam hi. 5-8-1994 kum in Assistant Lecturer nga a, Yangon University le Pha-an Degree College ah seam hi.

1995 kum ciang Ngamdang Laisinna pan Diploma of Janpanese nga hi. 13-9-1999 ni in Lecturer nga a, Pha-an Degree College le East Dagon University ah seam hi. June 2007 ciang Yangon University pan Ph. D. nga hi. 21-1-2008 ciang Associate Professor ah khangto in Beik Universty, Henthada University le Dagon University te ah seam kawkoai hi. 2012 hi lai a ki at hunin Dagon University, Zoo Department ah Associate Professor a sep laitak hi. Tu laitak in a nu Nu Ciin Za Cing le a nau Daw Thang Za Man taw No (1136) Paunglong Myit St., (91) Ward, New Dagon (Seikkan) Township ah teang uh hi.

Dr. Mang Uap B.Sc (Hons), M.Sc (Tissue Culture), Ph.D (Horticulture)
No. 168, Yinmar Street, 14/3 Quarter, Myintha, South Okkalapa, Yangon ah a teang Col. Ngo Cin Pau (Rtd) le Nu Niang Za Hau (a) Daw Than Than Aye te ii tanu thumna hi a, 29 April 1973 in Bago Division, Inntakaw Township, ခမရ (101) ah piang hi. No. 1 BEPS Inntakaw ah Tanlang kaa kipan a, 1977 kumin ong hi. Tan khat pan tan liat No. 2 BEMS South Okkalapa ah kaa a, 1986 kumin tan liat Maths Distinction taw ong hi. 1987 kumin No. 1 BEHS South Okkalapa pan tan 9 ong a, tansawm sia a pa nasepna တပ္မ (၉၉) Miktila No.1 BEHS pan 1990 kumin kumkhat sin taw ong paih hi.

Ngam sung buaina hangin College le University te kikhak ahikom 1993 kum ciang Hlaing College ah sangkaa kipan thei pheang a, Yangon University pan Nov. 1998 in B.Sc. Hons. (Bot), 2000 kumin M.Sc. (Tissue Culture) nga hi. Yangon University a kaa hun sung YSBC ah Chuch School Syama, Youth Secretary le Burmese Service ah sumkeam cite seam ngei hi.

2002 kum ciang Demonstrator panmun taw Dawei University ah seam a, 2003 kum ciang Dagon University ah seam hi. Dagon University ah a sep hun 2004 kum ciang Ph.D. kaa thei natu entrance ong hi. Ph.D. thesis a vawt hun sung 2006 kumin Post Graduate in English sinna Saturday nisim kaa hi. 2010 kum ciang Asst. Lecturer ah a za khangin Panglong University, Shan State ah a sep hun 2010-2011 kumin Ph.D (Horticuture) le Post Graduate in English Yangon University pan nga khawm hi. 2011 kum ciang Dagon University ah seam kik a, tu laibu vawt hun sung dong a sep laitak ahi hi.

Source: Khuavak Magazine 2012

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 90,075 hits

A Lui Te

Live Trific

google-site-verification: googled172884ff34d55c0.html