Nikonghong

Home » Kawl Ngam » Leitung Na Thailand Saang Kawl Ngam Maipha Pia Zaw Vaial Tu Kithoai

Leitung Na Thailand Saang Kawl Ngam Maipha Pia Zaw Vaial Tu Kithoai

Abosa May tha Thailand Prime Minister Yingluk Shinawatra Japan ngam a pailai, Prime Minister Shinzo Abe inn ah vahaw in Kawl ngam Dawei ah Thailand company khat ii nasepna ahi “Dawei Deep Sea” mega project ah Japan company te hong tum natu, hong kihel natu thu son pui hi. Tuani ma, Kawl ngam tadensa te sungah a zing ciang Japan Prime Minister Shinzo Abe Kawl ngam haw tu aa, Dawei project taw a kibang Yangon Tilawa port project atu US $ 1.27 billion huna piak sawm ci thu nasia tatak kiat hi. Thai te na Dawei project sia lian lei ahikom amate nguak sep zawk sawm tatak ngawl ahikom, international company tatuam hong kihel natu, atatuan Japan company te hong tum tu dei vadel ahihang, Japan te in Dawei project saang Yangon Tilawa project kin zaw hi.

Abosa May tha sungma, Kawl ngam president U Thein Sein le American President Barack Obama Washington DC white house ah kimu aa, Kawl ngam le USA kilaklaw sipuazi khanto natu “Trade and Investment framework agreement” vawt in letmat thu hi. Hi Trade and Investment framework agreement, namkhat in cileang USA ii huna, sia America taw khua ngei mama sipuazi a seam khawm zo ahi Thailand te zong na nga ngei ngawl lai hi. May tha sungma America le Thailand kumpi kizopna neizawk kum 180 cinh poai Foreign Ministry zumah kivawt aa, kum 180 sung kizopna taw kisai datpung lui tam mama lak in nasia tatak vawt hi. Bek dom ngawl Thailand prime minister Yinluk mama White House ah president taw thu son tu in theng ngei ngawl lai hi.

Tutaciang, Kawl ngam kumpite ngaisutna hong kilaih mama aa, leitung sipuazii haat, a lampui ngam tam mamate le, EU pan lampuite Kawl ngam haw in sipuazii seam khawm tu vaihawm siasua thong hi. President Obama na U Thein Sein sia a pha lamsang manaw in laihna nasia tatak a vawt ngam lutang khat hi ci ahikom, international zong na Kawl ngam sia hong thusim vaial hi.

U Thein Sein America a haw zawk ciang Kawl ngam Kiukna (politic) le Sipuazi a nam 2ma a manlaang saseam in hong kilaito hi. U Thein Sein USA a hawma saang a haw zawk, kilaihna manlaang saseam hi. Leitung mun tatuam pan Businessman te zong, Kawl ngam taw kisai information a kisam babang olnotak le manlaangtak in nga thei vazing zo ahikom diksa mama uh hi.

Abosa kum 3 hunlai, Kawl ngam in Sen ngam ahizong, EU, USA, Japan le Indiangam te taw sipuazi seam khawm nuam khu hi ci in kam hong laam hi. Tuabang sipuazi sepkhop thei natu ngam tatuamte ii muanna a nga natu Kawl ngam kumpi zong in hong hanciam mama hi. Tua ahikom tuazawk kum 2 sung president U Thein Sein White House dong hong haw thei aa, leitungbup ii etcik, zaatak ngam lutang dinmun hong nga hi.

Thai ngam sia Asean ngam teng ii center ah om ahibangma, Asean kizopna thempo ii center suak nuam in a hanciam tawntung ngam khat ahi hi. Ahihang tuni ciang dong a ngaisut bang tatak tun zo ngawl in haksatna tam mama sung kisann tato lai hi. Kawl ngam kilaih dan le amanlang mama kal suan ziate ih mu ciang, Thai ngam sang Kawl ngam vei Asean ngam teng in center hong suak masa zaw tu vei buana ziam ci nop huai kasa hi.

TN

Dopha: “Myanmar gains affection in US, Thailand Loses Out” by Kavi Chongkittavorn (The Nation/Asia news Network)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,571 other followers

Blog Stats

  • 92,179 hits

A Lui Te

Live Trific

google-site-verification: googled172884ff34d55c0.html