Nikonghong

Home » Politic » Democrat hibong, Ahihang Republican te dei bong

Democrat hibong, Ahihang Republican te dei bong

March 2013 hunlai “Why I m no longer a Republican” ci article khat kaat ngei aa, atatak cileang “One important reason among many that I am no longer a Republican” cizaw leang ka ngaisutna le dinmun kitelcian zaw tha tu hi. 

Republican ka hi nawn ngawlna thu lianbel khat sia Iraq ngaal haang ahi hi. Republican te na, Iraq ngaal sia ih khial mama ngamtatna khat hi aa, lesson ih laak thei tu hi, ci le, Republican sungma om suak tha tu khi hi. Ahihang tuni, Republican sung alianbel pan anobel dong, foreign policy taw kisai ngaisut daan lal siat zo (corrupt) aa, Obama hong kaa pan kipan koibang langpang tu ci bekma ngaisun aa, ngam atu seam tatak ngawl hi.

Ka mee piakna taw en tu hileang keisia Democrat hi hong ci tha tu nu hi. 2004 lai Kerry ka pia aa, 2008 le 2012 election lai Obama pia khi hi. House le Senate sung zong Democrat te support zaw tawntung khi hi. Ahihang keima le keima Democrat mihing tatak in kaki ngaisun thei bua hi. Atatak cileang kei ii uk sia Democrat suak tu Democrat te panpui ngawp tu ci zong hi ngawl aa, Republican te ngaisut zia mann sa ngawl leilam kahikom, Republican te na lelcip le a uk hi lel thong khi hi.

2012 Benghazi, American 4 thi, GOP te na tudong Democrat te tung mawna zazong lai

2012 Benghazi, American 4 thi, GOP te na tudong Democrat te tung mawna zazong lai

Banghazi buaina sia Republican te ii ngamtat zia kician sak mama thu khat ahihi. 2012 September tha lai Libya ngam Banghazi khuaah, ngaalte kaalup hu American ambassador le adang 3 thi hi. Banghang hi buaina piang thei ci thu kat tu thupi mama hi. Tu ni ciang dong hi buaina taw kisai kiphuang kikik aa, 9 vei sitset thudokna, thukatna kinei zo hi. Hi Banghazi thu taw kisai report 9 vei om zo hi. Ahihang Republican te lungkim thei mama ngawl aa, Democrat te, atatuan in Hillary Clinton a langpan nop lei huvau tu in a 10 vei natu committee khat Republican te vaihawmna taw kivawt aa, thukan kik tu kipan laleou hi. Na en nginge leute, November election ciang, Republican GOP te haat zaw aa, congress sung thu hong nei kik le, hai ngawl Obama taak natu impeach vawt nanak tu hi.

Beirut

Beirut 1983, American 200 vaal thi. Democrat te na investigation tha 2 bek vawt aa. GOP te mawsiat ngawl

Democrat te hun sung American te 4 thina sia 10 veibang investigation vawt kikik aa, Democrat te khialna zong nuam vaving ahile, Republican president ahi, Ronald Reagan hun lai Beirut khua Marine ngaalkap te hong kithaa sak thu bang law nawn tu hi ziam? 1983 October 23 ni, Beirut khua sung ngaal te in American Marine zum sim in American 241 thi hi. Ngaalpi 2 na zawk nikhat sung American mi tambel hong kithaalup sak ni hi. Tua hun lai Congress sung Democrat te tam zaw hi. Democrat te na, tha 2 sung bekma investigation vawt aa, Democrat pawl khat bangna ngaalkap puak thua tu haanthawn zawsap hi. Ngam atu deisak tatakna ih nei le tubang tu hi.

1993 Democratic president Bill Clinton sep sung, Somalia ngam ah ngaal te na, American helicopter Black Hawk 2 kap sak ngei hi. Battle of Mogadisshu ahibale, Black hawk down ci in aki ciamte hi ngaal sung ah American 18 thi aa, 80 vaal liam hi. Helicopter pilot khat ahingtang in ngaalte na man hi. Tua hun lai zong Republican te na, Democrat te maw sak nuam leilam ahikom kum khat vaal sitset kansuk kanto in Bill Clinton buai pia ngei si hi. Tubang kici tetek tu cileang, Reagan hunlai Beirut buaina le, Republican Bush hun, Iraq ngaal hu American 4487 thi aa, 32,223 liam na thu e? Bang law nawn tu ziam? Republican te ii asung ah ngaimawkna mei bang in kuang vaving hi.

Black hawk down, Somalia

Black hawk down, Somalia, American 18 thi. GOP te na Democrat te mawna ci in kum 1 sungbang kansuk kanto,

Republican te ii ngamtat dan a nuai ateng zong ih tel tek tu thupi mama kasa hi.

  1. Connecticut sung thau toai khatna saangpatangno 20 le ulian 6 kaaplum hi. Ahihang, Republican te na gun control vawt nuam tuan ngawl hi.
  2. Banks le finance industry buai in laltham tu kithoai hi. Ahihang, Banks and finance regulation puaphat tu Republican te na kankuat hamtang hi.
  3. Leitung khuahun taw kisai scientist theampo ii zakhen 90% na a research vawtna muna, kumpi tung thusung hi. Ahihang Republican te in nangawn ngawl ahikom Scientist theampo Democrat sang theng siat hi.
  4. A zawng le a hau te ii, sum ngana akikhaina nasia vaial hi. A haute tam saseam nga aa, a zawng te zawng vaial hi. Ahihang Republican te na mihau te tung pan phiangse (tax) khiam susuk nuam pumsai hi.
  5. 2008 siipuazi kial tung aa, siipuazi lalcip ahikom, an kham ngawl ngammi tam vaial hi. Ahihang Republican te na food stamp khiam tu bebek sonpi in nei aa, hanciam hi.
  6. Politic sung sum nei zaw papo a haat zaw suak tawntung aa, sum na thu son mama hi. Ahihang, Supreme court sung atamzaw ahi, Republican te na, sum thaa nei te ahaat zaw saseam thei natu khensatna pia hi. Supreme court sung GOP 5 le Democrat 4 om aa, tumasia dong party zui in khensatna me pia ngawl hi.
  7. A niambel thaman thasum kiam ahibale zong a khan ngawl zawk kum ngei mama zo hi. Haksa a sa ngammi tam mama ahikom a niambel thaman khat tu in Democrat te in hanciam hi. Ahihang, Republican te in khan nuam ngawl hi.

 Hi atung aa thu 7 teng tungtaang ih ngaisutna akibang buale, nang sia GOP Republican na hihang hi tu hi. Kei hile, ka dinmun laih sawm ngawl kahikom, mee piak natu mun theampo ah Republican pia ngawl tu khi hi.

 Note: Damon Linder ii (I’m not a Democrat, I’m an anti-Republican) tomkim in kaphen kik hi. Ama sia Republican party member ahihang, Republican te ngaisut zia dik a sa ngawl, khat hi. Ama sia, “The Week.com” ii senior correspondent, University of Pennsylvania Press ii consulting editor hi aa, The New Republic ii contributing editor hi si hi. “The Theocons” le “The Religious Test” ci laibu te 2 a at pa hi si hi.

Advertisements

1 Comment

  1. manthianpa@frontier.com says:

    Hi Peuh ma sa ing. Thu hoi na no at lai tan.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,571 other followers

Blog Stats

  • 92,424 hits

A Lui Te

Live Trific

google-site-verification: googled172884ff34d55c0.html