Nikonghong

Home » Business » Keystone XL Pipeline

Keystone XL Pipeline

 Keystone

2014 November midterm election ah GOP te haatzaw ahikom US congress 2 sung GOP te majority hong suak hi. GOP te majority hong suak peuma ciang, Obama ii nasepnasa puakik tu a ukbel uh le, thupibel in a ngaisut thu pawl khat om aa, Obamacare, Immigration law le Keystone XL pipeline project hi.

Keystone pipeline sia Canada pan US sung hong kithungsuk namngim pipeline hi a, 2010 pan kipan kizangh hi. Canada ngam Alberta pan namngim a kihuan ngawl lai (crude oil) Illinois le Texas ah huan tu puaksuk natu in a kizangh hi. Project khen 4 om a, khen 3 dong man thiangzo in 2010 pan kipan a kizangh hi. A khen 4na Keystone XL pipeline vawt tu ciang Democrat te le kiim le paam khuahun encikte (environmentalist) in nasia tatak kankuat ahikom, Senate congress pan a kankuat sangte in zo aa, project khen 4na tawlnga hi. Tu ciang, congress sung GOP te tam zaw ahikom, keystone XL pipeline kipat kik thei natu hanciam uh hi. Congress sungpan zo ma kale, president in letmat a thu buale, suak thei tuan ngawl a, Obama na letmat thu ngawl tu khi hi. VETO zangh tu khi hi ci in thawmvau kholzo hi.

Keystone pipeline khen 1na sia Canada ngam Alberta state Hardisty pan USA Nebraska state Steele City, tuak pan Illinois state Wood River le Patoka namngim huanna setzung dong kithungsuk a, tai 2,147 sau hi. June 2010 pan kipan kizangh hi.

Keystone pipeline khen 2na sia Nebraska state Steele City pan US te ii namngim kholna phual lianbel Oklahoma state Cushing dong kithungsuk a, tai 300 sau hi. February 2011 pan kipan kizangh hi.

Keystone pipeline khen 3na sia tai 487 sau a, Oklahoma state Cushing namngim kholna phualpi pan Texas state Port Arthur khua Gulf tuipi dong hi a, tulaitak kivawt saan hi. 2015 sung man tu hi.

Keystone pipeline khen 4na ahibale, Keystone XL pipeline sia tulaitak Democrat le Republican te ii kinialbel in a nei, project thak hi a, a patna le tawpna khua sia khen 1na taw kibang liinlian hi. Ahihang tom zaw a, pipe lian zaw zak sawm ahikom namngim tam luang thei zaw tu hi. [Anuai ah ngamlim en tawng]

Keystone-pipeline-route

2012 kum lai khen 4na taw kisai congress sung thu kikupna om aa, congress member pawl khat le, kiim le paam khuahun encikte (environmentalist) te in dei ngawl in nasia tatak kankuat ahikom, president Obama na reject a, khen 4na project a tawlnga suak hi. April 18, 2014 ciang Obama na hi khen 4na project sia ni ciangtan om ngawl in tawlnga tu hi ci in thuthanna (announcement) vawt hi.

Republican GOP te in khen 4na project a vawt nopna thubulpi sia, US ngam mi te atu nasep 20,000 bang piang tu a, Middle east pan ih namngim lei kiam tu hi, datsi manh zong kiam tu hi ci hi. Congress sung Democrat pawl khat zong Keystone XL pipeline thauk-khan hi. Ahihang a Democrat tamzaw le, kiim le paam khuahun encik te ii dei ngawlna thu en leang anuai ateng hi:

  1. Hi project thak pan nasep 5,000 pan 6,000 kiim bekma piang tu aa, tuteng zong sia temporary nasep hi bek tu hi. project manh le abo pai tu nasep hi bek tu hi. nasep 200 pan 300 bang bekma permanent nasep hi tu hi.
  2. Hi project thak man le zong US ii datsi kisapna (demand) ii zakhen 5% bekma hong pai tu aa, datsi manh kiam tham ngawl tu hi.
  3. Canada ngam Alberta ah piang namngim sia “tar sands” nam hi aa, a niinbel nam, quality hoi ngawlbel nam hi. Kiim le paam khuahun susiazo mama hi. Alberta state sia Red Indian minamke te teenna hi aa, namngim taw hu in hi minamke te a neisa a pu a pa lo, a ngam pan kihawl khia hi. Hi “tar sands” in kiim le paam khuahun lal sak aa, hui thiangtho zong lal sak ahikom namngim tawna kiimah minamke te khuano 100 kiim bang om aa, 1200 vaal bang cancer natna taw thizo hi. [Friend of Earth]
  4. Hi Keystone XL pipeline na US ngammi million 2 bang ii tuineak, tuinaak pi ahi Ogallala Aquifer tuinaak kantan in kivawt sawm hi. US ngam bup lotui (agriculture irrigation) theampo ii zakhen 20% sia hi Ogallala Aquifer pan hi. Engineer te in pipeline muanhuai mama ka vawt tu uh ci ahihan, USA Federal record en leang abosa kum khat le tha 4 sung bebek namngim pipe line ke (leak) 372 vei piang a, mihin 20 thi in 117 liam hi. $ 256 million supna piang hi. US Department of Transportation Pipeline & Hazardous Material safety Admin ii research en leang 1986 pan 2014 dong namngim pipe ke hu 532 thi a, 2400 liam hi. $ 7.5 billion suplaw hi. [Huff Post Green]
  5. “Tar sands” crude oil sia niin mama ahikom, US sung hong thet zawk ih huan ciang zong, haksa mama bek dom ngawl chemical niin le toxic tam mama piang aa, tuteng ih vawkna kiim le paam ah teang mihing zawng, minautaang te atu sunghu, cancer le natna ngilo a nanam piang sak lai tu hi.

Keystone XL project dei ngawlte ii ngaisutna ahuam in enkaak kik leang Keystone XL pipeline hong kivawt le phattuamna nga tu sia Canada namngim businessmen te hi bek a, US ngammi te le atuan in nautaang te atu siatna tam mama piang tu hi. Ih tuinaak thupi mama zong hi khen 4na project kivawt le neak tu in muanhuai nawn ngawl tu hi. Republican tam zaw US congress na hi khen 4na XL project vawt tu a suazo tu ziam, tua ahibuale, kiim le paam khuahun encikte (environmentalist) te deina zui in Obama na VETO taw tawlnga sakzo zaw tu ziam? ih et tu hi vak.

TN

Doppha: Wikipedia, Huff Post, Friends of the Earth, About.com

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,568 other followers

Blog Stats

  • 91,688 hits

A Lui Te

Live Trific

google-site-verification: googled172884ff34d55c0.html