Nikonghong

Home » Sizang » Ka Thin Hong Sutha Kammal Pawlkhat

Ka Thin Hong Sutha Kammal Pawlkhat

thuklai saang

Tan sawm on zawk college ka kakawm in private boarder school khat ah 2003 pan 2007 dong na kaseam hi. Saangpatangte sia mun tatuam khua tatuam pan ahiman a uk le a dei uh kibang thei vet ngawl uh hi. Atatuan in tan sawmte sia suuk mama tuan uh hi. Angaisutna le amuna uh zong akhom khat ma na omzo ahihang hi. Tan sawm sia niivei thumvei a phisa ma omzo uh tana koisung saang ah koibang hi thei a, koisung saang ah hibang hithei ci sia a khomkhat ma na he zo lalai uh hi.

2005 kum in saangpatang 10 vaal khawng taw Thuklai saang innpi ah lai huan tu in lai huan maa ni sawm kisap in an nguai akicing sitset, kiginna tatuam tek taw ka kuanpui to uh hi. Tua kum sia Thuklai ah tan sawm lai huan tu saangpatang akhom khatma om hi. Saangpatangte atamzaw ii Thuklai ah laihuan tu a ukna ahang bulpi sia tan sawm lai huan ong nuam tek hang ahi hi. Fresher pawlkhat zong om in amate hile saangka sung lai et hun tam nga nuam zaw le lai phatak a etnop man hizaw hiat uh hi. Boarder sungah lai sinin lai enthei pai uh hi. Repeater-te ahile a lametna uh lianzaw ci tuh hi. Lamban tawn nuam zaw uh cina hi.

Lai huan kipatma nisawm sung koma a hithei zaza taw saya/sayama te thu sonpui niangtui neak pui cibang in ka om uh hi. Sya/syama te hi le thu dik in deisakna zong om hi. Ahihang kumpi thasum kikham ngawl ahikom laihuan sung sia amate zong lamet hi le anei sia om tek vave uh hi. Pawl khat na ningkum lam bang ni khat …Ks ka nga ci khawng ma son thei hi. Tusia nu/pa ma bangza nga aa, nitha kaih peuma a ci nuam zong na om thong hi. Lam etna nei tetek kimu khopna mun le hun ci tu hi. A senpi thei tu ma in kilamen tek aa, kivaihawm sak nuam vaihawm theiza kivaihawm sak vave hi. Sya/syama te atamzaw sia eima sang tualsuakte hipai uh hi. Kawlmi khat khawng bekma om thong hi. Heaksatek bangma Thuklai saang sia hun khatsung minthanna khat na nei mama zo thong hi. Saangpatangte zong tua minthanna lungngul in a kuantek sia atamzaw phial ci tu hi. Sya/syama te sang pan zong lametna neitek vave uh aa lampi tu zong a khuatkhol ma om hi. Ngip zong le khuaizong ci in bangma ka son nuam bua hi.

Kawllai huan maa zingsang nai 8:00 AM pawl in kei zong ka patang teng taw ka zin tunna pan saanginn sang ah ka zuanto uh hi. Patangte a mate ukna mun khat po ah a lai ma uh taw buaitek in om uh hi. Kei hi le Saang mai thingkung nuai tona a kivawtte ah to in pawlkhat taw thu tatuampo son in ka om hi. Ka mawk ah Tedim pan lung-chon-zyi tu aa hong pai palik bu (bawk ni) khat le Thuklai hausapa (Thura U Hang Za Kam) te nii ding kawmin thu son khawm uh hi. A thuson te sia ka omna pan kiza thei hi. Pu Kam ( သူရဦး ဟန္ဇကမ္၊ နိုင္ငံေတာ္မွခ်ီးျမွင့္သည့္ သူရဘြဲ႔) na Palik bupa tungah saanginn taw kisai thu tamma son hi. Sangpatangte zong lai huan kipan zo uh aa, amate ii class tekah lai huan in om tek uh hi. Pu Kam le Bupa thu tamma a son khop zawk te a cia kakawm in palik bu pa in, hibang in ” Hi saanginn pan Bogyoke, Syavuan, Engineer, pilna nei le Bo tam mama piang hi. Na saanginn uh noma ma na na ou bua uh le kuama in hong ou sak ngawl tu hi. (ဒီေက်ာင္းကေန ဗိုလ္ခ်ဳပ္လဲ ထြက္တယ္၊ ဆရာဝန္၊ အင္ဂ်င္နီယာ၊ ပညာတတ္ေတြ၊ ဗိုလ္ေတြ အမ်ားႀကီးေမြးထုတ္ခဲ့တယ္၊ မင္းတို႔ေက်ာင္းမင္းတို႔ မထိန္းသိမ္းရင္ ဘယ္သူကမွ လာၿပီး ထိန္းသိမ္းေပးမွာ မဟုတ္ဘူး”) cikawm sa-in palik te omna ah cia san hi. Thuklai saang Jubilee Magazine en leng Thuklai saang pan ulian a suak sia ih heaktek bangma hi.

Palik bupa a cia kawm a thuson sia tuni dong ciang ka biltha le ka mittha pan a bo thei vetbua hi.

Hun khatlai (pate Thuklai saangka hunlai, ahuamin 1995 ma sia citu hi) Thuklai saangsia saang hoi saangpha in min na nei ngei aa, Sizang kual bek dom ngawl mun tatuam pan saang ka tu in hong kipaina saang, mun khat hi. Mun tatuampan hong kizuat ma bang in saang hoi takpi na hi aa, saangpatangte zong pilin u lian suak zong na tam mama hi.

Hun khat zawkte Thuklai saang sia lai ettena saang in hong minthangin hong kizuan mama kik laleu thong hi. Hong kizuat kik sia lungdam huai tubang ahihang saang hoina hang hi ngawl zaw in lamban tot nopman hizaw thong nahi hi. Eima sung sya/syama te mama zong na sum zonna dan in kituak aa kingamta a hikom lamban tot dan a thapia taw kibang hi. Ngambup lai ettena saang minthangte sungah hong kihel thong hi. Thuklai saang ci sia atuan in Sizangte saang ci leang kikhial ngawl hi. Hazatna enna, tatuam kawmkal pan Situ U Vum Ko Hau ii hong vaihawm thiamna hang hi. Lam khatpan Pathian ii hong piak thupa manpha khat hi.

I inn sung vanh ih neisa eima na ittak, deitatakna taw ih keam buale inn mawk te na ih vanhte sia a kisap te a zak vakek tu bekin hong kawm tu a, phatak hong kepsak ngawl tu hi ci sia ih heaktek sa thu hi.

I pu ih pa te hun lai Thuklai saang min phatna sia a siasak sia akua tatak hi tu ziam? Hong uk kumpi te ziam? Khua hausa te hi zaw ziam? Akua tatak ziam?

Palik bupa sia Tedim pan laihuan hun sung duty in hong paipak bek hi aa a heak le a zaak sia tam mama in, a thu son kammal na ngaisut huai sa mama ing. Thu tamma huam sa khi hi.

Thuklai saang awng minthanna pha taw a minnei, minthang saang na hi oo maw!

Mang Khan Zuun

Tuma kum 10 lai thu hi aa, tu hun le tulaitak thu piang pawlkhat taw kisi sa ka himan kong at hi. 2005 zawk saang taw kisai bang thu om aa, bang thu piang ci sia he nawn bong. Tu lianlaitak Thuklai saang ii din mun ci zong he nawn bong ki pua tu, pua tu ci thu babek ma kaza thei top hi.

Note: Facebook sung pan a kila kik hi.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 90,038 hits

A Lui Te

Live Trific

google-site-verification: googled172884ff34d55c0.html