Nikonghong

Home » Politic » Republican te nah Obamacare taw kisai a 2veina lel

Republican te nah Obamacare taw kisai a 2veina lel

June 25: 10:12 AM – Republican te nah Obamacare taw kumpi huna a nga cina kibawlte huna piak ngawl tu Supreme Court ah appeal vawt a, supreme court member 9 vote taw khensat hi. Obamacare nah vote 6 : 3 taw zo hi. Ronald Reagan ii mihing supreme court Chief John Robert le Anthony Kennedy nah Obamacare pom zaw hi.

10:22 AM
Chief John Robert: “US congress nah abosa hun sung, Affordable care act (Obamacare) upadi ana pass sia, ngammite phatuam natu a ngaisutna hi, ngammite siatuam natu hi ngawl hi.” Ngammi 10.2 million nah Obamacare la a, tua sung pan 8.7 million nah kumpi huna average tha khat $ 272 nga hi. Tutung Republican te ii ngiimna pi sia hi huna kumpi in a piak tu awi ngawl ahikom supreme court ah appeal vawt ahi hi. Azazen Republican te in zo le, ngammi 8.7 tungah kibawlna tu in a kipia kumpi huna kipia nawn ngawl tu hi.

10:30 AM
Nancy Pelosi (House Democrat leader): Tu ni, Supreme Court ah Obamacare nah a 2 veina ngual zawna nga hi. Hi ngual zawna sia thumann thutang ngual zawna le American innkuan te ii ngualzawna hi.

10:35 AM
Supreme Court member Antonin Scalia in SCOTUScare ci nick name min thak khat nga hi. SCOTUS ci ciang Supreme Court ii nickname hi. Supreme Court nah Obamacare zo sak tawntung tanah Obama-care saang SCOTUS-care ci zaw leang ci in ciamui thu a son le, John Robert nui miilmial a, Anthony Kennedy nah a muk menh ci hi.

10:40 AM
Democrat Senator te ii Republican te tungah hi thu taw kisai a message sia tom thei mama hi. “It’s over” ci hi. Democrat Minority leader Harry Reid nah “Enough is enough. Let’s move on” ci hi. Obamacare upadi a sua natu a hanciam mama Nevada Democrat khat nah “Republican te Obamacare pheltham nuam a hanciam 50 vei vaal zo. A tawlngah tu kilawm mama zo, a hun uh paamai lel” ci hi. Democrat sung pan a lian bel 2na ahi, Senator Dick Durbin nah “Akizom vatel in Affordabel Care Act a sisim uh hehuai peuma hi, a sisim uh saang hi program (Obamacare) a hoi saseam tu pua tu hanciam pui zaw le dik tu ve” ci hi.

10:58 AM
Republican te zong a ngaisutna uh son: 2016 ciang president kidem a sawm former Texas governor Rick perry nah a vote nga natu hi thu piang zangh. “Hi thu theampo hoi tatak a tel, pha tatak a lampui thei tu a sim tu lampui thiam, lampui pha mama ih kisam hi” (Ama le ama a kici na). President kidem a sawm dangkhat ahi Mike Huckabee nah Supreme Court ii thukhenna sia zawthawk vai taw thukhenna ci vadeap hi.

11:10 AM
Hillary Clinton in thukhen zumpi (Supreme Court) ii thukhenna tung a lumkimna pulaak hi. Ama twitter account ah “Ih thin ih lungtang sung le ngam upadi ah thumann thudik hi ci in ih heak thu, supreme court nah ngualzawna hong piak sak hi, hi upadi taw health insurance sia ngammi theampo ii laak zawk tu a manh ol insurance hi tu hi” ci hi. Obama taw datpung a kizaih khop khat ten a, “Stand with Hillary for health care” ci in ama twitter account ah at hi.

11:30 AM
2016 president kitealna tum a sawm Republican pawl khat nah hi thupiang mezolna in zangh thei hi. South Carolina senator Lindsey Graham nah healthcare sia a thupi bel thubuai khat hong suak tu hi ci hi. Florida senator Marco Rubio nah, hi upadi a kiphel thap dong ka sisim tu a, ka tawlnga bua tu hi ci hi. New Jersey governor Chris Christie nah Justice Antonin Scalia ii SCOTUScare naa leang pha zaw ngawl tu ziam a ci sia dik sa hi. Tam zaw ii thukhensatna pan hong piangkhia program hi ci hi. (Upadi kip suak tu ahile zong Democrat te ii min piak Affordabelcare ahibale Obamacare ci sia peuma pai suak buale a thin nop tuak hi). Republican te in 2012 le 2014 election ah a popular ngawl Obamacare taw vote zolna nasia tatak in zangh hi.

11:40 AM
Obama nah White House Rose garden pan hi thupiang taw kisai thu sonna vawt hi. Ama thu sonna sung pan tepte tu thu pawl khat: “Hi upadi sia om suak tu hi” “Hi thu sia naing-ngan-zi thubuai hi ngawl a, American ngammi te ii phatuamna thu hi” “hi upadi a pha saseam tu in pua tato tu ih hi hi” “this law is working”.

Supreme Court ii khensatna taw kisai abosa hun sung ngammi te tungah thu dokna POLL: April tha sung AP (Associate Press) te ii poll doknaah, Supreme Court nah Obamacare zo sak tu a dei zakhen 56%, lel sak tu a awi zakhen 39% pha hi. Ahihang Obamacare nah a zo thong katawm ci in a um tatak ngawl zakhen 50% nai pha hi. Obamacare na support ziam ci dokna laleo ah, zakhen 27% nah ka support ci a, zakhen 38% nah ka support bua ci hi. Zakhen 34% nah ka son tu he bong ci hi.

12:10 PM
Hi thupiang tawn in Republican pawl khat in sum zonna vawt hi. Jeb Bush nah “tu ni sia Obamacare ih sim atawpna hi ngawl hi. Kei hong kiteal le, congress sung pan ahizong, White House pan ahizong Obamacare sim citak ka sim tu a, conservative te ii dei daan healthcare system taw laih tu khi hi, hitana ka presidential campaign atu khatvei huna (one time contribution) $ 50, $ 25 ahibuale $ 10 nong piak natu hesuak hong ngen khi hi” ci hi.

2014 May lai, panpui nei ngawl (GOP zong hi ngawl DEM zong hi ngawl) kyaw-nya le media taw kisai naseam CMAG te ii estimate vawtna bang ahile, Obamacare langpan natu TV kyawnya vawtna manh $ 445 million bangh kizangh ci hi. Obamacare atu kyawnya 1 a om sim Obamacare a langpan kyawnya 15 kivawt hi. Obamacare kyawnya taw kisai Positive:Negative sia 1:15 hi.

12:20 PM

In this October, 2014 file photo, Lloyd and Shawn Turner walk near their home in Cisco

In this October, 2014 file photo, Lloyd and Shawn Turner walk near their home in Cisco

Supreme Court nah Obamacare pom suak tu khensatna a piak a zaak ciang, central Illinois ah teang Shawn Turner a patau thai in thin muang tak in om thei pheang hi. Ama sia kum 55 pha a, cancer natna nei hi. Chemotherapy a vawt tan kul hi. A kibawl natu thasim $ 236 a piak kul a, Obamacare pan kumpi huna thasim $ 830 piak sak hi. Tu ni Supreme Court ah Obamacare nah lel zezen in hile, a kibawl natu tha sim $ 1066 ama ip sung pan a piak pai kul tu hi. Ama nah “Ka lungdam lalawm hi, keima tu bek hi bo, hi program (Obamacare) pan huna nga theampo atu ka lungdam hi” ci hi. Ama nah hibang ci lai hi “Ka pension laak ciang zak tu ka top valeng teng ka zak kul nawn ngawl tu, kibawl natu neisa lamsa teng khat zawk ciang khat mapat zuak zong kul nawn ngawl tu” ci hi.

Doppha: A cancer survivor celebrates health law ruling 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,571 other followers

Blog Stats

  • 92,188 hits

A Lui Te

Live Trific

google-site-verification: googled172884ff34d55c0.html