Nikonghong

Home » Leitung » THE BLUE ZONES-A KHAN SAAU BEL, CIDAM BEL MUN

THE BLUE ZONES-A KHAN SAAU BEL, CIDAM BEL MUN

2005 kum in National Geographic Association te na ” Blue Zone Quest” ci aa project khat nei aa lei tung mun pawl khatah a teang te a khan sau thei saap a cidam thei bel bek dom ngawl Kum 100 a vaal hang nisim a nasep seam tan zo aa, a inn tek maa ah teang in amate an tek maa huan zo lai, a huan sung maa ante thingnga maa suan zo lai aa, leangna maa do zo lai , ciamui maa son zo lai aa, Nursing Home (Khanghaam kikepna mun) khawng zot tu ngaisun vet ngawl aa nungta thei lai (active life). Amate bang an ne peang ziam? ci thu study a vawt na hi. Leitung mun tatuamah ngei a nungta khakhat om a hizongin hi sung mun (Blue Zones) ah a teang te in khat bek hi ngawl in tam maa na ngei nungta zaw aa ci dam zaw ci kimu hi.

  1. Sardinia (Italy)
  2. Okinawa (Japan)
  3. Loma Linda (California-USA)
  4. Nicoya Penisula (Costa Rica)

World record a khan sau bel sia 122 years and 164 days-Jeanne Calment (France) a ma ngaisutna , WINE, OLIVE OIL, Sense of humor (ciamui thinpuak) a neina te nah a khan sau sak hi tu um hi.

Danish twins study ih result sungah zakhen 25% sia genetic taw kisai aa, zakhen 75% sia lifestyle taw kisai in mu hi.

SARDINIA-Italy,
Location-Island 120 miles of Italy
Mihingsim – 1.6 million
Biakna – Roman Catholic

sardinia map 2

A mun sia mual kawm liang kawm hi aa pai va zeang tu haksa na hi (isolated). A nasep a tam bel sia Shepard (Tu cing), tu a cin ciang ni khat tai tam mama pastures (lono hingna mun) a tu te a paipui kuul. Vok, khui, keal khawai tek sapit ciing tek, wine vawt tek hi. Nisim a an neak bel sia, Fava beans (Be nam) goat cheese, whole grain bread hi. Sa sia ne zo va zek ngawl aa nipi khat khat vei ahibuale pawi vawt ciang bek ne zo hi. Keal sa, Tu sa vok sa a theam po ma ne lel hi. Red wine sia ne tek peu ma coffee zongh zangh tek peu ma , keal naoi , wine ne tek peu ma, colored fruits, vegetables sia tam tatak in ne hi. Mastic oil (Arabic gum) sia food preservation, breath sweetener, decongestant in zangh aa, antibacterial, antifungal, antiseptic property nei hi.Olive trees zongh nei tek hi. Almond nuts zongh ne tek peu ma hi. A huan sung sia Zucchini, tomatoes, potatoes, egg plant, fava beans zongh ciing tek hi. Mastic oil sia mun pawl khat ah olive oil luang in zangh hi.
Ni sim a nasep sia lawp tek peu ma aa, a ngante a tu a ta a tusalawn ci te iit thei peu ma hi. A tute a tate a tusalawnte zongh nah a pi a pu te sia iit peu ma, respect pia peu ma aa innkuan kipezopna sia nasia ma ma hi. Kum 80 tung sia a nungta te bangh sia a khua pui te nah zaatakna ciliapna pia peu ma hi. Zing sang nai 4:00 bangh tho a, khua ziin dong na seam uh hi.
Sardinian Blue Zone Statistic sungah 1880 pan 1900 dong mihingsimh 17865 a om sungpan kum 100 vaal a nungta nupi 47 le pasal 44 om hi.

Giovanni kum (105) le laiatpa

Giovanni kum (105) le laiatpa

Hi lai bu at pa Dan Buettner (Minnesota-USA) nah kim 103 apha Giovanni Sannai sia a interview a vawt lai khut kibuan tu in challenge a vawt le a ma zongh uk pai hi.  Laiatpa Dan sia kum 60 bangh moi zaw hi. A khua pui te maai ah khut kibuan uh hi. A kipat po ciang 45 degrees bangh in kei na a zo tu bangh in a khut sia ngei ta tak a koi a ciang keima khut toi zo ziam ci a up ciang ka khut sa buai tung hong sial ek hi (He slammed my arm down on the table) ci hi. Ama a zi nungta lai aa, a zi nah inn nasep teng seam aa, ama nisim ngancing hi. A tu (sheep) te sia tai 100 kuam sung lono hingna (pasture) sungah a cin kuul hi. Nisim tai 5 bangh peuma lam a seau kuul hi. Nitaang sia nga tawntung aa tasia sung pan Vitamin D synthesis nga hi.Vitamin D sia ngu takna bek hi nawn ngawl aa, colon cancer protection le Multiple Sclerosis(MS) protection zongh nei ci thu tu nung tatak maa in kimu hi. Nipi khat sung ni 5 bang minit 15 sung nitaang kipho zo leang pha hi ci hi.

Long Term Care (Khuangei atu kidop kiouna) facility sia om vet ngawl hi. Amate in kiittna thinpuak nei uh a, it zong thuak tek peuma uh hi. Nuntak zia le kiitna sia hi Blue zone sung a teang mihing te ii nei le zak thu ahi hi.

Okinawa blue zone taw kisai a kik ciang kong zom tu hi.

Sardinia ngam datpung pawlkhat

Dr. Huat Za Mang

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,568 other followers

Blog Stats

  • 91,411 hits

A Lui Te

Live Trific

google-site-verification: googled172884ff34d55c0.html