Nikonghong

Home » Cidamna » Cidamna le Natna Tatuam Pianna

Cidamna le Natna Tatuam Pianna

Kawl ngam sungah natna lungno ii hong puak ahingawl pumpi sung natna tuatuamte ih nga thei na sia: zamei tawpna, zu neakna, thingnga antee tam ih neak ngawl hang, thau leih hang, chikhang, zunthum le chi sungah a thau tam leih hang veu hi. Hi thu taw kisai in. ih ngam sung omzia, a nuai a bangin kimu hi.

  1. Zamei tawp Ie za muam – 26%
  2. Kuanza le zapheak zangh – 42.2%
  3. Zu tamne -10.3%
  4. Antee le thingnga a neak tawm leih – 86.6%
  5. Tukna dianhna (exercise) tawm leih – 15.7%
  6. Pumpi ngitna tam leih – 22.4%
  7. Thau leih – 5.5%
  8. Chikhang nei – 26.4%
  9. Zunthum nei – 10.5%
  10. Chi sung thau (cholesterol) tam leih – 36.7%
  11. A tung a, a ki at teng sung pan, nam 3 le a tam zaw a nei -19.6%
  12. Maisang kum 12 sungah lungtang chivui natna a nei thei tu mihing 12.12% om hi. A tungah hong kilak teng in ei le ei ih kipua natu lam hong lak thei hi.

 

Zunthum Chithum le Zumcili (menaal)

zumcili

Zumcili pawl khat na menaal a ci zong om

Ih heaksa ahitazong, zumcili tui maanmaan in a hawpte in zunthum piang kik ngawl het ci ahikom, a zangh ngei ngawl te in ih zak tu kilawm hi. Zumcili sip khat sia lei tu a, khat sia phal 4 sua tu a, tui haipui khat (tuithiang bung lang bang) sungah zan khat dia tu a, a zingsang ciang, a tui vekpi in hawp siat tu hi. Amasa sangin lim kisa ngawl het ahihang tawmvei zawk ciang lim kisa a, ni khatin khatvei hawp bualeang, a kisam khat om bang hi kisa hi, ci hi. Hibang in zingsimin peal ngawlin hawp tawntung leang zunthum piang kik ngawl het a, an le tui a thum khawngte zong kine thei kik hi, ci in, zumcili (menaal) a zangh te in tetti hong khan ahikom, hong kisuaksak hi. Zunthum neite sin tek tawng. Dam takpi thong le, Mang zatui/zatangte sia, kidop veu kul ahiciang Mangza saang phazaw phial tu hi.

 

Tukna Dianhna (Exercise)

tukna le dianhna - exercise

Pumpi ciidam natu ahizong, lungtang natna neite, zunthum neite, pumpi ngit leihte theampo atu in tukna dianhna (Exercise) ih vawt tu kisam hi. Tua atu in, lam veu kiseau thei bel hi. Lam ih seau ciang, tai 2 tai 3 khawng kalngamh seau leang zong pha ahihang, minute 15 pan minute 30 sung bang khua ulsa a suacip dong seau leang zong, pha veve hi. Tuahile, nisimin kiseau zo zaw hi.

 

Anneak hun le Tui

Anneak hun le tui

Nidanglai in, tui sia, anneak ma bekin ne tu hi, ki ci hi. Tuciang, anneak ma in ne leang zong, ih anneak hong khiamsak thei a, anneak zawkciang ne leang zong, an zaansak zaw hi, ci leleau hi. HL Journal

 

Note: Yangon Siyin Baptist Church Men’s Fellowship ii laihawm Thupha Daitui Volum 10 No. 6 sungpan a kila kik hi a, Dr. Mang Cin Pau ii at hi.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,567 other followers

Blog Stats

  • 91,022 hits

A Lui Te

Live Trific

google-site-verification: googled172884ff34d55c0.html