Nikonghong

Home » Sizang (Leitung)

Category Archives: Sizang (Leitung)

Interpreting Religious Conversions among the Peoples of Myanmar – By Dr. Cope Suan Pau

South Korea ngam, Yonsei University ah pilna sin ahi, Thuklai khua pan Pa Suang Cin Pau (Dr. Vum Ko Hau ii nau) le Nu Cing Za Pau te ii tapa Pa Cope Suan Pau in kum 4 sitset Mission study taw kisai plina sin aa, Doctor of Theology degree zo hi. Hong paitu February 25 ni a doctor degree la tu hi. Yonsei University sia 1885 kum in kipan aa, South Korea ngam ah ahaambel University pawl sung kihel hi. South Korea ngam sung University phabel 3 sung kiciamte si hi. 2012 sung Asia ngam University theampo sung ah aphabel University 16 na ci in kiciamte si hi.

Dr. Cope Suan Pau ii dissertation paper sia “Interpreting Religious Conversions among the Peoples of Myanmar” hi aa, South Korea ngam Christian Journal minthang mama khat na publish sak ci in ki za hi. 2009 lai a at “Pathian and the Pau Cin Hau Movement in Myanmar” sia le 2012 lai a at “Peace Talk as Mission: Protestant Mission and Ethnic Insurgencies in Ethnocratic Buddhist Myanmar Today” te sia “Korea Association of Christian Studies” te na publish sak hi. 2012 August-October sung Canada ngam, Toronto khuapi ah “The International Association for Mission Study” aka lai “Peace Talk as Mission: Protestant Mission and Ethnic Insurgencies in Ethnocratic Buddhist Myanmar Today” sia conference ah simh hi. Dissertation paper ahizong, 2009 le 2012 lai a at lai te anuai ah ki sim thei hi.

A innkuanpui nu ii min sia Nu Neam Khan Cing hi aa, Esther Pau Sann Cing akici tanumei khat nei hi. Zomi sung Doctor degree nga khat ki belap ahikom Topa  min ih pok hi. Dr. Cope Suan Pau Topa Pathian in, angam alei atu hong zak sak ta hen.

  1. Interpreting Religious Conversions among the Peoples of Myanmar (2013)
  2. Pathian and the Pau Cin Hau Movement in Myanmar  (2009)
  3. Peace Talk as Mission: Protestant Mission and Ethnic Insurgencies in Ethnocratic Buddhist Myanmar Today (2012 IAMS conference, Canada ah a ten lai)
Advertisements